Video
Read full review
2021-03-24
106 views
旺角Le Viet越菜餐廳位於旺角最旺中心地帶，近港鐵站，非常方便，今次係我第三次光顧，之前兩次都係食午餐，今晚襯阿女放工得閒就約埋佢係旺角shopping 下再食飯撐下枱腳😆。餐廳地方好大，空間感非常好，每張格都有透明膠板隔開，疫情期間，令食客食得十萬個放心。阿女鍾意食海鮮，打開餐牌就比個大頭蝦吸引，好啦，今晚一於豪一豪🤣；仲有order左我鍾意食嘅咖哩牛腩煲拼印式薄餅。侍應哥哥話個牛油大頭蝦製作需時，大約要15分鐘左右，咁好啦，先點一個小吃頂下肚先；香茅豬頸肉紙米卷 - 上面鋪滿勁多花生碎碎，增加香味同口感，豬頸肉燒得好香，中間嘅粉絲清清地，balance番整個味道。咖哩牛腩煲，用個火㷫住黎食，煲入邊有牛腩又有牛根；牛根大大舊，已炆到好似啫喱狀，好林滑，咬落煙煙韌韌，超級正；牛腩肥瘦均勻，牛味算重，又唔會起渣，煲入邊另外嘅配料都唔好放過丫😆⋯⋯尤其係薯仔🥔，大大舊，好粉糯薯味重，而個咖哩汁如果再辣🌶啲就更prefect，印度薄餅蘸點呢個汁食就係超級無敵咁好味，薄餅又唔會油膩，最終encore多一客，撈埋啲咖哩汁😋一啲都冇嘥😆。重頭戲，牛油焗大頭蝦，十分誘人嘅橙紅色賣相，整隻蝦開邊，
餐廳地方好大，空間感非常好，每張格都有透明膠板隔開，疫情期間，令食客食得十萬個放心。
阿女鍾意食海鮮，打開餐牌就比個大頭蝦吸引，好啦，今晚一於豪一豪🤣；仲有order左我鍾意食嘅咖哩牛腩煲拼印式薄餅。
侍應哥哥話個牛油大頭蝦製作需時，大約要15分鐘左右，咁好啦，先點一個小吃頂下肚先；
香茅豬頸肉紙米卷 - 上面鋪滿勁多花生碎碎，增加香味同口感，豬頸肉燒得好香，中間嘅粉絲清清地，balance番整個味道。
咖哩牛腩煲，用個火㷫住黎食，煲入邊有牛腩又有牛根；牛根大大舊，已炆到好似啫喱狀，好林滑，咬落煙煙韌韌，超級正；牛腩肥瘦均勻，牛味算重，又唔會起渣，煲入邊另外嘅配料都唔好放過丫😆⋯⋯尤其係薯仔🥔，大大舊，好粉糯薯味重，而個咖哩汁如果再辣🌶啲就更prefect，印度薄餅蘸點呢個汁食就係超級無敵咁好味，薄餅又唔會油膩，最終encore多一客，撈埋啲咖哩汁😋一啲都冇嘥😆。
重頭戲，牛油焗大頭蝦，十分誘人嘅橙紅色賣相，整隻蝦開邊，每邊都有手掌咁大件，蝦身鋪滿蒜蓉牛油，蒜蓉焗到脆卜卜，巨大嘅大蝦頭藏住豐腴嘅蝦膏，味道濃郁香氣十足，蝦身爽口彈牙，呢個菜色、香、味同賣相都一流，打卡攞贏晒💯。
Post
