麻辣派對 (瑞生酒店) (Closed)

麻辣派對雖然唔係第一次食，但係之前只係食川式小菜,不過因為男朋友最近迷上食酸菜魚。經朋友介紹話依到嘅酸菜魚幾有水準,所以一於帶男朋友嚟試吓。黎到果然見到幾乎每台都order酸菜魚或者水煮魚。呢度有幾款魚可以選擇,經店員介紹之後我選擇左江團魚,肉質鮮嫩之外亦都比較少骨。除咗有大量酸菜之外,底部仲有大量薯粉。金牌酸辣水晶粉上枱嗰陣時真係嚇親,因為冇諗過咁大碗。酶同辣嘅味道啱啱好,得而平衡。面頭仲有大量嘅肉碎同花生。山城回鍋肉夠晒鑊氣,肉片嘅份量都幾多,我選擇咗中辣,於我來講辣度啱啱好,好惹味。