Video
Read full review
2013-12-09
126 views
朋友們開了呢間餐廳, 我身先士卒, 幫襯下. 幫襯幾次, 就叫我寫食評. 哎呀, 好食就自然一傳十, 十傳百. D朋友係咁叫寫下啦寫下啦. 以我十年營商經驗, 我堅守 "飯香就自然有人黎食" 既心態. 唔寫! 但係去到尋日......試左呢個黑松露炒蛋多士之後. 真係要寫下心聲.尋日同班friend相聚下午茶. 我之前次次都叫雞扒飯. 冇理由呢個鐘數食, 驚俾人笑! 我問餐廳經理, 女經理識左我十幾年, 知我心意, 第一句就話雞扒飯. "唔好玩我啦...!" 我見到個餐牌, 黑松露炒蛋多士, 好似四十蚊. 好, 殺你! 有件事我要先交待清楚, 我唔知道黑松露係D咩! 冇印象, 認為佢係唔好食既野. 我諗到時難食, 我女人會幫我K.O.佢. 幾分鐘時間, 黑松露炒蛋多士加凍柚子蜜出現係我面前.係, 的確黑松露唔係我口味, 但我唔抗拒. 我女人出現之前, 黑松露冇佢份. 但我認為最刻骨銘心既, 係....炒蛋! 我每次食新野之前, 我會先欣賞, 之後幻想下碟野既味道, 食落去應該會有咩野口感. 但係一食落去個炒蛋, 竟然係 "暖笠笠" "好滑"! 同我既期望落差太大
尋日同班friend相聚下午茶. 我之前次次都叫雞扒飯. 冇理由呢個鐘數食, 驚俾人笑! 我問餐廳經理, 女經理識左我十幾年, 知我心意, 第一句就話雞扒飯. "唔好玩我啦...!" 我見到個餐牌, 黑松露炒蛋多士, 好似四十蚊. 好, 殺你! 有件事我要先交待清楚, 我唔知道黑松露係D咩! 冇印象, 認為佢係唔好食既野. 我諗到時難食, 我女人會幫我K.O.佢. 幾分鐘時間, 黑松露炒蛋多士加凍柚子蜜出現係我面前.
係, 的確黑松露唔係我口味, 但我唔抗拒. 我女人出現之前, 黑松露冇佢份. 但我認為最刻骨銘心既, 係....炒蛋! 我每次食新野之前, 我會先欣賞, 之後幻想下碟野既味道, 食落去應該會有咩野口感. 但係一食落去個炒蛋, 竟然係 "暖笠笠" "好滑"! 同我既期望落差太大! 碟野獻世左幾分鐘, 同朋友又吹左一陣水, 個炒蛋仲係暖, 唔係微熱嗰隻! 滑, 我女人冇成功整過滑既炒蛋俾我食.呢種滋味, 就諗起林峯係演唱會講既 line up my life. (Light up my life先至啱)
之後, 班friend點左兩碟西多士. 好食, 絕對唔會食到成口油!
期間有個friend係旁邊Salon整頭髮, 咪整舊西多俾佢食. Salon我都有幫襯. 有人吹下吹下, 有人食下食下, 咁就過左一個好滿足既星期日下午.
Other Info. :
呢間餐廳除左可以飲飲食食, 一道玻璃窗之隔就係Salon, 星期日上午搖身一變係間教會 (基督教). Light up my (your) life!
(The above review is the personal opinion of a user which does not represent OpenRice's point of view.)
Post
