Video
Read full review
2018-08-12
1733 views
慶祝老公生日，去酒店食意大利餐~預早訂位可以要求甜品加朱古力牌寫名。又可以要求窗邊位置。雖然無景睇但可以增加私隱度唔駛俾咁多張枱圍住。餐廳幾好情調，但當晚有枱一家十口有大有細，比較嘈。而且酒店來講枱與枱之間有啲近。值得一提係餐廳員工服務殷勤，笑容可掬。因為第一次幫襯，好懶咁叫咗個Tasting Menu($1380一位)。我無飲酒，淨係飲暖水，老公叫咗杯紅酒。餐廳有幾款麵包俾你選擇，仲有三款醬(橄欖，蕃茄，香草醬)同橄欖油加醋俾你點(唯獨是無牛油)。三款我最鍾意蕃茄醬。頭盤。煙燻帝王魚伴意大利青瓜配香草檸檬乳酪，特級魚子醬。青瓜脆口，魚肉嫩滑，加少少咸香魚子醬，成碟好清新。玉米濃湯配八爪魚。八爪魚刺身響湯入面，彈牙鮮味。湯杰身到覺得自己食緊成條粟米。日本北海道海膽蟹肉意大利麵。海鮮食得出係靚嘢，但配搭及味道未見驚喜。麵比普通意粉粗少少，但仍然煮得啱啱好，彈牙得黎唔會有骨。甘鯛魚柳伴菠菜配蕃紅花汁。值得一讚係魚肉上面嘅魚皮，脆到可以連魚鱗一齊食。香脆乳豬伴茄子蓉配芥末汁。乳豬juicy唔鞋口，茄子蓉估唔到咁好食。車厘子芝士撻配檸檬酒汁。淡淡嘅芝士味加去核車厘子剛剛好。最後仲有蝴蝶餅，朱古
餐廳幾好情調，但當晚有枱一家十口有大有細，比較嘈。而且酒店來講枱與枱之間有啲近。值得一提係餐廳員工服務殷勤，笑容可掬。
因為第一次幫襯，好懶咁叫咗個Tasting Menu($1380一位)。我無飲酒，淨係飲暖水，老公叫咗杯紅酒。
餐廳有幾款麵包俾你選擇，仲有三款醬(橄欖，蕃茄，香草醬)同橄欖油加醋俾你點(唯獨是無牛油)。三款我最鍾意蕃茄醬。
頭盤。煙燻帝王魚伴意大利青瓜配香草檸檬乳酪，特級魚子醬。青瓜脆口，魚肉嫩滑，加少少咸香魚子醬，成碟好清新。
玉米濃湯配八爪魚。八爪魚刺身響湯入面，彈牙鮮味。湯杰身到覺得自己食緊成條粟米。
日本北海道海膽蟹肉意大利麵。海鮮食得出係靚嘢，但配搭及味道未見驚喜。麵比普通意粉粗少少，但仍然煮得啱啱好，彈牙得黎唔會有骨。
甘鯛魚柳伴菠菜配蕃紅花汁。值得一讚係魚肉上面嘅魚皮，脆到可以連魚鱗一齊食。
香脆乳豬伴茄子蓉配芥末汁。乳豬juicy唔鞋口，茄子蓉估唔到咁好食。
車厘子芝士撻配檸檬酒汁。淡淡嘅芝士味加去核車厘子剛剛好。
最後仲有蝴蝶餅，朱古力同餐茶。
樂隊去到我地枱時知道有人生日會唱意大利文生日歌，仲可以點唱，氣氛一流。大家可以點男女合唱歌，更好聽架~
總結係，整體用餐過程良好，食物質素中上，加埋現場音樂真係無得輸。
Post
