Video
Read full review
2023-02-10
29 views
因為成日係大角咀，已經食過好幾次Loft 7 覺得佢西餐真係幾高水準. 每次帶朋友或屋企人去都唔會失望。前排知佢係上環開左分店，有唔少西中Fusion 菜式，又約朋友去試Pulpo $138原條八爪魚經慢煮口感軟嫩, 加左Romesco Sauce, 即係西班牙羅曼斯可醬, Google 番原來係由烤後去皮嘅甜椒、蕃茄、garlic, onion, 煎香嘅杏仁、松子等堅果，加埋甜椒粉、葡萄酒醋olive oil 製成, 唔怪得sauce 味道咁富層次惹味. 加埋隔離烤薯仔同新鮮沙律菜都好食Tartare $168Scallop, Avocado, Fish Sauce中間係切粒帶子, 以口感柔和牛油果砌成花狀圍住. 上面有魚子. Sauce 酸酸帶有微辣Cochinllo $358超級超級推介呢個阿根廷烤乳豬·黑白糯米飯. 乳豬真係烹調得岩岩好, 外皮極之香脆, 隔左薄薄一層入口即溶香肉, 而下面肉質軟腍, 油香腴盈, 正底層truffle 薯蓉口感好幼滑帶松露香, 隔離係黑白糯米放上飯素, 微帶煙韌好有口感PEKING $188好有特色嘅Fusion, 似北京填鴨只係用加左海鮮醬r
Pulpo $138
原條八爪魚經慢煮口感軟嫩, 加左Romesco Sauce,
即係西班牙羅曼斯可醬, Google 番原來係由烤後去皮嘅甜椒、蕃茄、garlic, onion, 煎香嘅杏仁、松子等堅果，加埋甜椒粉、葡萄酒醋olive oil 製成, 唔怪得sauce 味道咁富層次惹味. 加埋隔離烤薯仔同新鮮沙律菜都好食
Tartare $168
Scallop, Avocado, Fish Sauce
中間係切粒帶子, 以口感柔和牛油果砌成花狀圍住. 上面有魚子. Sauce 酸酸帶有微辣
Cochinllo $358
超級超級推介呢個阿根廷烤乳豬·黑白糯米飯.
乳豬真係烹調得岩岩好, 外皮極之香脆, 隔左薄薄一層入口即溶香肉, 而下面肉質軟腍, 油香腴盈, 正
底層truffle 薯蓉口感好幼滑帶松露香, 隔離係黑白糯米放上飯素, 微帶煙韌好有口感
PEKING $188
好有特色嘅Fusion, 似北京填鴨只係用加左海鮮醬risotto 取代左原有嘅烤餅.
鴨胸份量唔少, 大片而嫩重肉味. 而當中 risotto 尤為出色, 調味剛剛好, 唔會太鹹, 香濃而帶有咬口. 配埋鴨胸味道就剛剛好, 而面頭脆脆亦豐富左口感.
黑松露北菇燒雞飯 $198
Black Truffle Steamed Rice with Spring Chicken
用左法國三黃春雞, 雞肉質結實又唔會鞋. 而且聞落好香, 菇 配上truffle oil 同飯焦香味, 唔錯. 不過味道就Peking risotto 更濃味
Peekaboo $138
share 左杯都幾有特色嘅cocktail, 以goji gin做based, 加有枇杷膏, 桂花, cranberry juice 同ginger juice. 以中國特色茶杯裝住, 白色泡沫下係亮麗紅色. 入口酸而滑喉仲覺得有點微涼感口, 可能加左枇杷. 幾特別
今次又同另一位朋友一起去, 佢食完又係好滿意話下次要帶屋企人黎試
Post
