Video
Read full review
2024-06-10
2777 views
成日都想再去板神，去年做緊個好正嘅優惠冇時間去，呢排銅鑼灣分店再下一城，繼續有一個超值嘅鐵板燒餐，會員價$388一位，係唔係都好吸引？快啲睇下有乜食。呢個LUCKY7激安套餐，名乎其實Lucky7其實就係group嘅名，所以好明顯係為會員而設，前菜有沙律，刺身三款，刺身都係時令嘅款式，可能日日唔同款，多日就的確唔錯，質素幾好。原隻嘅龍蝦基本上已經值回票價，龍蝦新鮮上場又夠大隻，再加上龍蝦頭煮嘅汁，基本上全晚個個都大讚並且超回味。來自日本宮崎牛肉薄燒，又或者可以選擇日本豚肉，我哋咁多個人一人一半選擇豚肉，豚肉出奇地好食，因為佢煎到好似餃子咁，入面包住蔥花，呢種食法你應該無乜試過。而牛肉應該唔駛多講，薄燒都令人食得好爽，唔會好油好飽。如果想食好啲，前菜可以加日本生蠔，$48都幾靚，鵝肝$48會以多士形式上都算煎得唔錯。白鱈魚同帶子都係加$48，太飽都要加魚加帶子，師傅都燒得幾好，個魚個sauge係勁開胃，帶子都幾大隻，食完都飽。大蝦就加$58，當然都出色，不過龍蝦太正，實在比下去。炒飯日本師傅當然玩得出神入化，幾飽都將成碗食哂。日本A5和牛厚燒都只係加$98，好建議加呢個同薄燒來個雙重享受
成日都想再去板神，去年做緊個好正嘅優惠冇時間去，呢排銅鑼灣分店再下一城，繼續有一個超值嘅鐵板燒餐，會員價$388一位，係唔係都好吸引？快啲睇下有乜食。
呢個LUCKY7激安套餐，名乎其實Lucky7其實就係group嘅名，所以好明顯係為會員而設，前菜有沙律，刺身三款，刺身都係時令嘅款式，可能日日唔同款，多日就的確唔錯，質素幾好。
原隻嘅龍蝦基本上已經值回票價，龍蝦新鮮上場又夠大隻，再加上龍蝦頭煮嘅汁，基本上全晚個個都大讚並且超回味。
來自日本宮崎牛肉薄燒，又或者可以選擇日本豚肉，我哋咁多個人一人一半選擇豚肉，豚肉出奇地好食，因為佢煎到好似餃子咁，入面包住蔥花，呢種食法你應該無乜試過。而牛肉應該唔駛多講，薄燒都令人食得好爽，唔會好油好飽。
如果想食好啲，前菜可以加日本生蠔，$48都幾靚，鵝肝$48會以多士形式上都算煎得唔錯。白鱈魚同帶子都係加$48，太飽都要加魚加帶子，師傅都燒得幾好，個魚個sauge係勁開胃，帶子都幾大隻，食完都飽。大蝦就加$58，當然都出色，不過龍蝦太正，實在比下去。
炒飯日本師傅當然玩得出神入化，幾飽都將成碗食哂。
日本A5和牛厚燒都只係加$98，好建議加呢個同薄燒來個雙重享受。
當然個套餐有超邪惡嘅多土，但套餐仲可以加呢個火焰•士多啤梨。如果好甜點，絕對不要錯過。
當然如果加左幾個item，價錢就未必係$388，但以呢個質素價錢對比，絕對係好值得幫襯，仲要有啲房好似個晚咁係有無敵海景，講到呢到又想再幫襯。
Post
