Video
Read full review
2021-07-22
357 views
高質抵食lunch。本人係附近返工啦，日日放lunch都見佢排哂長龍，以為啲人純粹想返工都打下卡。（因為入面環境又真係幾有feel)機緣巧合之下，天時地利人和，終於俾我放lunch 食到佢。甘就嗌左芝士焗吉列豬扒意粉/飯。我揀左意粉。原本諗佢會係白焯唔會有茄汁撈。上菜果下驚喜左我，你點會估到佢唔係似隔離附近啲茶餐廳甘上面淋汁下面齋意粉。因為佢所以我決定打卡影相。因為本人cool牙啦，對於食肉真係驚佢又干又硬。吉列豬扒拎去焗仲加埋茄汁落去，我都唔預佢會係脆皮面架啦，對於我黎講佢味道有啲重手左。但係佢肉質岩哂我心意，佢啖啖肉得黎又唔干、又唔會太硬。（大x樂/x家樂/大家x，出名嘅🐷扒飯係會食到我牙痛唔想食落去）點解會話佢高質抵食？$56有湯有飲品有沙律有主食，質素又好（紫薯湯健康。薏米水小小小甜，薏米甜水唔甜，但我個人中意）。去食碗黃色logo 紅色字嘅米線加埋飲品都$50幾，仲要次次30分鐘先有得食，lunch 都過左一半。唔係講笑呢頭食個牛腩面都要$63，甘佢係有菜有飲品，但係牛腩真係又食到我牙痛囉。所以甘樣對比之下佢真係俾左喜驚我，呢1個鐘食飯我係享受緊。會再幫襯。Ps：食緊豬扒嘅時
本人係附近返工啦，日日放lunch都見佢排哂長龍，以為啲人純粹想返工都打下卡。（因為入面環境又真係幾有feel)
機緣巧合之下，天時地利人和，終於俾我放lunch 食到佢。
甘就嗌左芝士焗吉列豬扒意粉/飯。我揀左意粉。原本諗佢會係白焯唔會有茄汁撈。上菜果下驚喜左我，你點會估到佢唔係似隔離附近啲茶餐廳甘上面淋汁下面齋意粉。因為佢所以我決定打卡影相。
因為本人cool牙啦，對於食肉真係驚佢又干又硬。吉列豬扒拎去焗仲加埋茄汁落去，我都唔預佢會係脆皮面架啦，對於我黎講佢味道有啲重手左。但係佢肉質岩哂我心意，佢啖啖肉得黎又唔干、又唔會太硬。（大x樂/x家樂/大家x，出名嘅🐷扒飯係會食到我牙痛唔想食落去）
點解會話佢高質抵食？$56有湯有飲品有沙律有主食，質素又好（紫薯湯健康。薏米水小小小甜，薏米甜水唔甜，但我個人中意）。去食碗黃色logo 紅色字嘅米線加埋飲品都$50幾，仲要次次30分鐘先有得食，lunch 都過左一半。唔係講笑呢頭食個牛腩面都要$63，甘佢係有菜有飲品，但係牛腩真係又食到我牙痛囉。
所以甘樣對比之下佢真係俾左喜驚我，呢1個鐘食飯我係享受緊。會再幫襯。
Ps：食緊豬扒嘅時候，隔離食緊牛扒好吸引，好似$65。仲有仲有佢有健康餐食，因為無影餐單，唔記得係主打生酮定無麩質。有興趣就去睇下研究下啦。
2021/07/20
芝士焗豬扒意粉
$56
16 views
0 likes
0 comments
芝士焗豬扒意粉
$56
23 views
0 likes
0 comments
Post
