Van Gogh SENSES (Closed)

一直都好鐘意梵高的作品，在荷蘭有參觀過佢既藝術館，估唔到香港都有一間梵高藝術體驗館，有精品，餐廳，油畫，多種元素結合的體驗館。佢獲得了阿姆斯特丹梵高美術館獨家授權。仲要系全球首家向梵高致敬的藝術概念店！不得了，同朋友相約1881，哇....我地第一次在1881食飯呢，好興奮...Fine dining 環境，藝術感不在話下，環境很清悠，充滿藝術氣息。打開餐牌，我地揀左二人中午套餐。佢所有餐具都好靚！尤其系隻杯，暗繪在玻璃杯內層，裝左水之後就成輻圖咁靚，真想帶一隻返屋企。餐飲好靚仔，糖水同鮮奶系自己落，咁就一定岩自己心水啦。杯墊系梵高的畫作，色彩繽紛，真系唔捨得拎黎墊杯啦，好靚。意大利大蝦沙律配朝鮮薊，蕃茄配菲達芝士，配搭得幾好，色彩鮮豔，沙律菜新鮮，口感爽甜，芝士奶香味濃厚，同沙律好夾。俄羅斯牛肉濃湯配酸忌廉及刁草，牛香十足，牛肉濃湯配上餐包是非常好的配搭。主茶系香煎鯛魚柳配魷魚及西班牙香腸燉菜，魚柳入味，煎得好香，不足之處系魚肉略薄，不過配菜很豐富，西班牙香腸燉菜正宗。是日精選甜品同埋水果拼盤。生果新鮮，甜品為藝術午餐划上句號。