吉寸 (Closed)

之前睇到有人介紹所以一直都好想試，又加上係💛店，當然要支持下。而家因為六點後禁堂食，變咗中午開舖，所以今日就食咗10條串燒，一個撈烏冬。首先講吓佢嘅串燒，牛類比較出色，特別係一口牛同埋牛舌心，燒得好惹味。雞類就不過不失，雞腎都好有咬口，不過同其他餐廳嘅分別不大。推介小食類嘅花枝丸，個汁好好味。整體而言，串燒都幾抵食，款式都比較大路，但係味道非常唔錯。至於個烏冬都不過不失，咖喱湯都好濃味，有好大塊芝士，不過比較硬身嘅關係，冇辦法同烏冬撈埋一齊嚟食，只可以直接咬塊芝士，如果可以做得creamy啲就更好。