一線軒雲南桂林過橋米線 (Closed)

香港人硬係有個米線癮，我就係其中一個！耐冇食過橋米線就會好想食！由於東區冇我最愛既X仔，所以就叫左一線軒既米線外賣過下米線癮。三拼小鍋米線$40 （下午茶）叫左豬頸肉，潮州牛肉餅，腐竹；中辣。雖然係外賣，但送到過黎d米線都冇浸到過霖，抵讚～豬頸肉：煮得入味，而且好軟，但軟得黎仲係爽口既腐竹：索曬d湯汁食好正。潮州牛肉餅：之前未食過，食落味道似係牛丸，但係口感方面就比牛丸爽口好多，都幾好食湯底方面：酸辣適中，雖然叫中辣，但我食落都覺得可以接受，個程度應該只係X仔既3小至小辣，又或者可能佢哋怕我食唔到所以比小d辣我掛。總括黎講，呢間絕對可以過到米線癮，而且外賣都好快送到，仲聽講好似一碗都肯送～！