一鍋堂 (XX Arcade) (Closed)

因為夜晚要開OT😞所以未到lunch時間，已經同同事講要食得豐富啲😜同事提議去打邊邊，聽到都舉腳贊成就係咁近近地去一鍋堂午市任食100分鐘，完全足夠時間，有A,B,C餐選擇，同事揀中間價，都好豐富😋一鍋堂既湯底真係超多選擇😍不過我地兩個都鍾意胡椒豬肚湯底，揀好湯底之後，做埋防疫措施，然後就可以入座行入去座位會經過一條走廊😌果度放滿雪櫃，包括有不同種類既蔬菜，熟食區，又有不同種類既丸，調味架另外仲有呢個特大既飲品櫃，任你揀任你飲而我就比較喜歡佢地自家養生茶，呢個金羅漢雪梨清潤茶就最岩打邊邊飲，又唔甜，又滋潤唔燥呢度特色係用QR CODE落單，B餐既肉類都多選擇，岩晒我地兩個食肉獸湯底都好足料，侍應姐姐叫我地滾起左之後，先品嚐個湯，湯底好香胡椒味，唔太鹹，豬肚好爽口熟食只係揀左麻辣豬耳，貪佢爽口有咬感我地個餐有6款肉可以揀，當然每款都有落單，d肉都算新鮮，仲好靚，肉味夠👍🏻唔覺唔覺就食左10幾碟