金凡潮汕菜

Open Now

Now Closed

見到朋友推薦呢間喺公司附近嘅潮州菜，一於lunch同同事嚟食下。一個lunch set 有魚翅撈飯，加$30有個小菜，價錢都算唔錯。小菜選擇好多，有椒鹽骨、咕嚕肉、鮮茄牛肉炒鷄蛋、沙嗲菜遠牛肉、凉瓜鷄柳、蔥爆豆豉雞、沙薑雞、鹵水拼盤等等。本來想食鹵水，但咁啱佢未有墨魚，令我打消念頭。於是點了蔥爆雞，幾好火爆嘅鑊氣，雞幾嫩，細細份送下飯。仲叫咗咕嚕肉，酸酸甜甜，好脆口，夏天開胃菜。重點係魚翅撈飯，真心又熱又大碗。夥計介紹話一定要撈飯，成碗飯倒入煲翅一齊食，好過癮。返工食lunch可以有咁嘅享受，實在唔錯。