Video
Read full review
2020-04-07
1422 views
原本諗住喺Angelini 拍我第一集嘅YouTube 餐廳介紹片，而正當所有嘢都準備好曬嘅時候，惡夢終於嚟啦。入到門口接待處，雖然我同佢哋其中一個經理有眼神交流，但仍然企咗大概兩分鐘先有人帶位。坐低之後乜嘢都未講，經理第一句就同我講呢度唔可以錄影，咁都唔緊要啦，但係態度實在係太差。講下其他嘢，坐低之後張枱已經擺好咗消毒濕紙巾同埋印有香格里拉Logo嘅信封入囗罩，呢種無微不至絕對係加分位。去到食物啦，我同朋友就叫咗佢地嘅Set Lunch menu，$388四道菜。由於疫情關係，餐廳喺二月頭就已經當機立斷停咗嗰appetizers buffet，呢一點抵讚。頭盤方面我揀咗牛舌，而我嗰朋友就揀咗海鮮沙律，兩份都喜出望外，特別係牛舌就直頭係想要多份。之後嘅第二道菜係例湯，嗰日嘅「是日例水」係番茄湯，講真心話，我而家求其噏個食譜出嚟都整得好味過佢，完全唔明間餐廳點諗，咁係嗰日冇得揀嘅情況之下，就唯有飲咗佢啦。之後嘅主菜我哋就嗌咗意大利雲吞同埋闊條麵，最主要都係想試下啲手工嘢。簡單講一兩句，份量係夠，味道就好一般，總括嚟講真係好失望。好老實，意大利餐廳要喺香港立足真係好難：1.）一來意大利菜對
入到門口接待處，雖然我同佢哋其中一個經理有眼神交流，但仍然企咗大概兩分鐘先有人帶位。坐低之後乜嘢都未講，經理第一句就同我講呢度唔可以錄影，咁都唔緊要啦，但係態度實在係太差。
講下其他嘢，坐低之後張枱已經擺好咗消毒濕紙巾同埋印有香格里拉Logo嘅信封入囗罩，呢種無微不至絕對係加分位。
去到食物啦，我同朋友就叫咗佢地嘅Set Lunch menu，$388四道菜。由於疫情關係，餐廳喺二月頭就已經當機立斷停咗嗰appetizers buffet，呢一點抵讚。頭盤方面我揀咗牛舌，而我嗰朋友就揀咗海鮮沙律，兩份都喜出望外，特別係牛舌就直頭係想要多份。
之後嘅第二道菜係例湯，嗰日嘅「是日例水」係番茄湯，講真心話，我而家求其噏個食譜出嚟都整得好味過佢，完全唔明間餐廳點諗，咁係嗰日冇得揀嘅情況之下，就唯有飲咗佢啦。
之後嘅主菜我哋就嗌咗意大利雲吞同埋闊條麵，最主要都係想試下啲手工嘢。簡單講一兩句，份量係夠，味道就好一般，總括嚟講真係好失望。
好老實，意大利餐廳要喺香港立足真係好難：
1.）一來意大利菜對於食材嘅新鮮度同品質要求好高（加上又要叫飛機貨，經營成本一定高）
2.）二來係唔啱食，一般平民百姓或者普羅大眾好多時候根本食唔到手工同訂返嚟嘅分別，而即使你最後煮到 Al Dente，香港嘅食客都只會投訴你，叫你再煮過。（所以點解香港嘅意大利餐廳越行越Fusion ）
3.）再者，意大利菜同刁鑽複雜嘅法國菜比係行簡單直接路線，最多係考下你打意粉、搓麵團、整雲吞手工。但去到擺碟、砌碟就更加難同法國嗰種眾取寵，尤如藝術品嘅效果相提並論啦。（簡單啲講，喺呢個時代唔instagrammable，好大鑊 ）
總括而言，如果係普通街邊餐廳嚟講都算係唔錯，但係依家係講緊九龍香格里拉一間咁享負盛名酒店嘅餐廳，實在係唔合格啦。服務嚟講，除咗戴眼鏡嗰位男經理之外其他員工都好有禮貌，最後大廚仲出嚟同我哋影幅相，算係補返數啦。
Seafood Salad
28 views
0 likes
0 comments
Ox tongue
21 views
0 likes
0 comments
Ravioli
26 views
0 likes
0 comments
Fettuccine
42 views
0 likes
0 comments
Post
