萬麗咖啡室

Open Now

Now Closed

今年公司Xmas lunch去左Café Renaissance，因為老闆係會員，有折。一開始就去望下聖誕節甜品先，賣相好靚，有聖誕鹿、聖誕樹木同聖誕圈，好靚。我同事鍾意食朱古力甜品，一開始已經拎左件朱古力聖誕樹蛋糕，因為驚遲d會無得食。果然食左幾碟冷盤得已經無左聖誕樹甜品，都有朱古力蛋糕但無聖誕甜品咁靚。鍾意食甜品嘅可以趁早拎定先。海鮮同刺身都幾新鮮，我食左蟹腳、青口同翡翠螺。刺身有三文魚、吞拿魚、八爪魚、鮑片同油甘魚，全部都幾好食。熟食有慢煮牛肉，有個水缸同慢煮棒，幾特別。廚師會切一件擺靚靚俾客人。牛肉粉嫩，值得一試。傳統燒牛肉都唔錯，夠嫩滑。好牛人仲可以試埋炆牛尾，夠大件。我幾鍾意印度飯同印度薄餅，薄餅好香脆。飯可以配咖喱羊肉食。甜品一定要食crêpe，女廚師煎得幾好，可以揀士多啤梨或者香蕉。雪糕係Haagan-Dazs，一定要食一杯。橙汁或汽水無限添飲，仲包一杯餐茶。侍應執枱都好快手，服裝唔錯。環境舒適，食物都多選擇。