Pier 7 Cafe & Bar (Under Renovation)

Happy Friday打算食豪D，行過來碼頭睇下有咩好食。無意中見到呢間Pier 7 cafe and Bar, 就試下佢個lunch buffet. 佢主要以木材做裝修，有露天位，不過天陰陰就冇人坐出去。環境好好，坐得舒服，如果唔係lunch hour得1個鐘，我會係個度慢慢享受。HKD128只有1杯凍檸茶，食物種類唔算多，蔬菜多，少肉，要飲湯就另外加10蚊，真係要問句點解既，其實佢個湯只不係普通粟米湯。食物分別列係2邊，右邊主要係沙律同包類，生菜好鮮甜，有煙肉、車厘茄等做配料，但醬就酸左D。面包我冇食到，但同事話OK，個蝦片好食，所以擰左好多。左邊係熟食蔬菜，最好食係燜蘑菇，同薯仔，豆角同南瓜都好淡，其實食左唔係好多。全埸唯一肉類係燒雞，隻雞幾嫩滑，因為有D未熟，所以都食左少少唔係好敢食。而佢杯凍檸茶係唔錯的，好新鮮的檸檬味。總體來講呢間係食個環境，係中環128算係咁，但唔係好抵食。