Video
Read full review
2015-10-18
3338 views
為友人慶生，想食日本菜，無意中search到Hanabi，係以前Nobu既師傅Michael Chan主理。大家都鍾意去小店，所以就lunch黎試下。有幾款唔同既壽司刺身set，不過一場黎到，就梗係試下Omakase啦！沙律，前菜：日式柚子醋配上蔬菜，菜新鮮，己經好好味，好開胃。前菜有三款，牛蒡，芝蔴醬菠菜，腐皮，腐皮質感特別，好有豆香。三色刺身：Michael建議我地由上面開始順時針食，第一隻魚已經唔記得係咩，爽口鮮甜。牡丹蝦好彈牙，好少食蝦既我都忍唔住。最後係我最愛既金目鯛，輕輕火炙後帶出魚香，完全唔捨得吞。食完刺身就食壽司，一件一件0係我地面前整，仲提我地要30秒之內食。成個餐有8件，我就揀d記憶深d既寫啦。帶子壽司：望到就知好新鮮，擺入口好軟滑，係一個好好既序幕。石班壽司：好彈牙的質感，生既更加鮮味！柚子伊佐木：望到魚上面點點柚子，聞落好香柚子味，完全唔需要配豉油，將伊佐木既鮮味提升到另一層次。深海池魚：有我最愛的銀身魚，好肥好厚身的池魚，魚味超濃，鍾意食魚既人一定好鍾意。吞拿魚：最後一件係赤身，平時覺得赤身唔好味，但係呢件簡直係赤身中的極品。油份比平日的赤身重，入口好似食緊t
有幾款唔同既壽司刺身set，不過一場黎到，就梗係試下Omakase啦！
沙律，前菜：日式柚子醋配上蔬菜，菜新鮮，己經好好味，好開胃。前菜有三款，牛蒡，芝蔴醬菠菜，腐皮，腐皮質感特別，好有豆香。
三色刺身：Michael建議我地由上面開始順時針食，第一隻魚已經唔記得係咩，爽口鮮甜。牡丹蝦好彈牙，好少食蝦既我都忍唔住。最後係我最愛既金目鯛，輕輕火炙後帶出魚香，完全唔捨得吞。食完刺身就食壽司，一件一件0係我地面前整，仲提我地要30秒之內食。成個餐有8件，我就揀d記憶深d既寫啦。
帶子壽司：望到就知好新鮮，擺入口好軟滑，係一個好好既序幕。
石班壽司：好彈牙的質感，生既更加鮮味！
柚子伊佐木：望到魚上面點點柚子，聞落好香柚子味，完全唔需要配豉油，將伊佐木既鮮味提升到另一層次。
深海池魚：有我最愛的銀身魚，好肥好厚身的池魚，魚味超濃，鍾意食魚既人一定好鍾意。
吞拿魚：最後一件係赤身，平時覺得赤身唔好味，但係呢件簡直係赤身中的極品。油份比平日的赤身重，入口好似食緊toro咁，真係好驚喜！
蒸蛋：以呢個價位黎講，真係完全唔合格，睇相都見到係overcook左。
銀鱈魚西京燒，湯：個皮好香脆，魚身夠滑，係細件左dd。湯都係一般miso soup，無咩特別。
紅豆雪糕：最後有幾款雪糕揀，揀左紅豆雪糕，好香紅豆味，為呢餐劃上句號。除左蒸蛋外，整體都好滿意，一邊食一邊同師傅傾下計，鍾意呢種小店的感覺。
Post
