三日月

Open Now

Now Closed

今日行過尖沙咀，朋友想食間環境好既餐廳慢慢食，就揀左黎三日月，貪佢lunch set 平得黎環境都唔錯。因為早餐仲未落格，叫左個輕食套餐，248包左主菜，沙律、鐵板燒什菜、鐵板炒飯、味噌湯及甜品。鐵板燒黎講都幾難搵到依個價位。六款輕食鐵板午餐，主菜可以揀以下其中一樣，甘我就揀左肉眼扒厚燒。紐西蘭肉眼扒厚燒美國Prime眼薄燒卷鹿兒島黑豚豬肩日本豚薄燒卷 帝王虎蝦季節鐵板燒魚肉眼扒煮到五成熟，中間仲係好靚既粉紅色。佢都有配唔同既醬汁配搭黎食，簡單啲就可以直接黑椒鹽蒜片，已經非常香。牛扒5成熟度入口即熔，好味！配菜既話炒雜菜都幾香口，用左醬油加上黑椒調味，吃到菜本身既甜味。而蛋炒飯炒到粒粒分明，幾有水準。甜品叫左佢地推薦既焦糖多士，見到塊多士係廚師既手中轉下轉左都幾過癮。味道黎講都幾好，表面係焦糖脆脆地而內里既西多士仲係軟既，甜品好味！整體黎講依個set 真係幾抵食，環境味道都唔錯，會有下次既！