漁匠屋

Open Now

Now Closed

好耐之前有食過佢既dinner，當時覺得質素不錯。最近知道原來有lunch set $75， 性價比好似唔錯咁，就去試下。當日lunch唔洗等位，但入埋我地都剛好full了。lunch有6個定食選擇，跟沙律同湯，dinner就只有一碗魚生飯。記得dinner都有一碗黑蚊蚊既魚生飯好多人叫，見lunch都有類似，就叫左黑丼，有甜蝦蓉、間八魚、北寄貝同黑飛魚籽，材料十分豐富新鮮，味亦都好夠，唔洗再加豉油同芥末。 一路食嘅時候，覺得好似有陣羅宋湯嘅味，飯係暖暖地，唔知係咪因為佢個汁，唔係平時既壽司凍飯。本身以為雜錦魚生丼會好細粒既角切，見到朋友點既又覺得唔錯，好豐富料又大粒，有誠意既，下次應該會試下依個。