Cafe Paradise (Closed)

噚晚表弟打電話嚟話有同學介紹呢間餐廳d意大利粉好好食，佢今日唔使返學，我又唔使返工，約我一齊來試。我地兩表姊弟特別投契，大家都中意食好西，但又怕肥，所以，我哋約咗喺尖沙咀行去太子，邊行邊傾，睇紀錄都行咗7500步。嚟到附近就比餐廳門口嘅白色磚牆同埋個摩天輪吸引，入去之後啲店員又好主動介紹我哋坐咗喺門口附近，話呢個位冷氣舒服d, 梗係見到我哋行到身水身汗，真係细心！👍坐低之後我表弟就梗係好快手睇吓餐牌有咩食，我就喺餐廳周圍睇吓，見到佢哋有好多即影即有相片，都係啲顧客幫襯之後影㗎啦，充滿咗笑臉溫情。午餐餐湯係黑松露雜菌忌廉湯，主菜表弟就揀咗安格斯西冷牛扒配意粉，飲焦糖鮮奶；我就揀咗西蘭花雞柳忌廉長通粉，飲玫瑰乳酸特飲。黑松露雜菌忌廉湯，侍應姐姐一端上檯面已聞到濃濃嘅黑松露香味，嗒落之後就什菌味更香，感覺到廚師用心製作。安格斯西冷牛扒會意粉，嘩，塊牛扒有成八吋長，表弟未食已經好開心，切落去就見到牛扒油脂分布均勻，表弟話食落好甘香，佢又話以呢個價錢食到咁靚嘅牛扒係物超所值焦糖牛奶都喜出望外，香濃牛奶加上少少焦糖，味道唔係太甜，好易入口。西蘭花雞柳忌廉長通粉，我最鍾意長通粉嘅質感，有咬口，忌廉汁