Video
Read full review
2023-06-01
45 views
肉浦團位於旺角，距離地鐵站只有幾分鐘步行距離，地點方便食物高質，任飲任食兩個鐘保證你食到夠皮~菜單分咗四個價錢，豐儉由人，想食好啲當然就要比多少少錢啦！今次試咗$368嘅M5 M8和牛set，已經非常好食！當中嘅牛背峰、牛臀腰肉心同埋牛頸脊真係又滑又彈牙😍淥一淥即起保證唔會韌，而且有成10款不同部位嘅牛肉，一個價錢多重享受喎😋湯底叫咗一個藥膳雞鍋，啲雞超級嫩滑，湯底都有好香濃嘅藥膳味，啱晒最鍾意養生嘅女仔，非常醒胃～作為一個海鮮控，仲有好多海鮮選擇，叫咗海蝦、石斑魚片好香魚味，仲有魷魚等，全部都好新鮮，包有一款啱你心水～總括而言，肉浦團食物質素高，款式選擇多，環境都幾寬敞幾好坐，而且地點就腳，邊爐控快啲約朋友嚟試吓啦～
菜單分咗四個價錢，豐儉由人，想食好啲當然就要比多少少錢啦！今次試咗$368嘅M5 M8和牛set，已經非常好食！當中嘅牛背峰、牛臀腰肉心同埋牛頸脊真係又滑又彈牙😍淥一淥即起保證唔會韌，而且有成10款不同部位嘅牛肉，一個價錢多重享受喎😋
湯底叫咗一個藥膳雞鍋，啲雞超級嫩滑，湯底都有好香濃嘅藥膳味，啱晒最鍾意養生嘅女仔，非常醒胃～作為一個海鮮控，仲有好多海鮮選擇，叫咗海蝦、石斑魚片好香魚味，仲有魷魚等，全部都好新鮮，包有一款啱你心水～
總括而言，肉浦團食物質素高，款式選擇多，環境都幾寬敞幾好坐，而且地點就腳，邊爐控快啲約朋友嚟試吓啦～
Post
