nana's green tea

Open Now

Now Closed

1星期總會來Airside 最少兩次，但係又唔想次次食一樣嘅嘢，今次行多一陣，諗住睇吓有啲乜嘢其他嘢食，跟住就比門口嘅雪糕吸引住😂。之後爸爸同我講呢間同我哋喺日本Lalaport食個間係一樣。可能因為岩岩12點嘅原因，入面唔係太多人，所以都係唔使等就可以直入（坐咗一陣之後，大約12:30 ，就開始勁多人）。一入去，侍應生講明限時1小時（不過最後又好似冇特別催促我哋交枱）。我哋叫咗海老蕃茄豆乳烏冬俾家姐同埋妹妹share. 口味係偏濃，但好味，難怪平時唔係太肯食嘢嘅妹妹都食。之後我自己就叫咗一個薯仔沙律，沙律入面應該係有生洋蔥，感覺喺小小辣。之後就係飲品，最期待嘅Matcha. 好飲呀。最後梗係唔少得雪糕啦，我想食綠茶雪糕，又想食蕨餅，家姐唔想食綠茶雪糕同想要朱古力，所以一人一個。綠茶雪糕，感覺唔係太甜，但係同樣地綠茶味唔係太濃。