阿來泰式地道風味

Open Now

Now Closed

一直都好想潮聖阿來泰式地道風味呢間人氣店.今日收工就同朋友去試下，我地叫左菠蘿炒飯，泰式SUKI炒粉絲（牛），芒果糯米飯，香葉椰汁西米糕，泰式奶茶，熱龍眼冰。菠蘿炒飯，份量好多，每粒飯都呈金黃色，好有鑊氣，有新鮮大蝦，臘腸肉，提子乾同菠蘿酸酸甜甜咁，可以撈埋肉鬆，更加有泰國風味，超好味。泰式SUKI炒粉絲，可配豬，牛，雞，雜菜或海鮮，我選左牛，我比SUKI個名吸引左，原來SUKI 汁係酸辣汁，牛肉好多，好大塊，濕炒粉絲，索曬D SUKI汁，好惹味，好好食!芒果糯米飯，泰國名物，糯米飯經過椰汁浸泡，椰汁渗入晒糯米度，口感好煙韌，芒果超級甜，芒果既甜加上椰汁香濃，好好味，必叫。香葉椰汁西米糕，賣相好靚，濃郁椰香，香滑綿密，入面係軟糯西米，仲有香葉既清香，好食！泰式奶茶，係泰國既味道呀，獨有既茶香，甜度適中，非常香滑。熱龍眼冰，好清甜，仲有粒粒龍眼肉，正！