Yadllie Plate 야들리애플래이트 (兆萬中心)

平時去兆萬食放題就食得多，但講到食韓國炸雞真係第一次！同其他炸雞唔同，「Yadllie Plate」採用傳統浸泡醃製法，將生雞肉放喺醬料中醃製48小時，雖然工序較為繁複，但亦都因為咁令到雞肉更加香脆嫰滑！芒果菠蘿特飲 ($98)：非常refreshing既特飲，芒果同菠蘿50/50剛好既比例使兩者互相揮映，令到新鮮既味道更為突出。不過，D冰好似多左D，如果叫少冰可能口感會更佳！Yadllie 半半炸雞 ($168)：炸雞有唔同味道，包括原味、大邱辣醬、蒜香同埋蔥絲四種口味，如果想「雙拼」只需另加十蚊。「大邱辣醬炸雞」有5種不同辣度，當日叫左第2級「入門級」但都好似over左少少，建議唔食得辣既朋友最好skip左佢！「蒜香炸雞」方面，因為上左「薄乾粉」同埋使用雙重高壓油炸技術，所以能夠鎖住肉汁之餘又能排走多餘油份，令到入口時清淡得黎又能夠有外脆外嫩既口感！首爾街頭小食盤 ($188)：小食盤包括韓國魚蛋、年糕、天婦羅等等既材料，上面鋪滿芝士，溶左之後撈埋配料一齊食感覺真係「大滿足」呀！魚糕方面感覺則相對有D失望，同真正韓國街頭風味重有一段距離。值得一提既係，小食盤既辣汁比想像中辣，怕辣既