四喜冰室 (Closed)

放假前後，搭巴士都好少人。意味著唔會塞車，兼會早到！早得制，唯有去食個早餐啦，咁早返公司都未有人！呢間冰室成日都經過，個入口位好格ZIP，門口睇唔出係餐廳架！剩係有道門，望到入面好多人。今次終於有時間坐低食個早餐！餐牌係學生時嘅手冊仔！好懷舊！叫左個"Morning 餐"麵包查左牛油，都幾香軟。煎蛋，蛋黃仍中流心狀態，幾Juicy！餐肉都煎得香脆，味道唔差。雞扒公仔麵雞扒好油，唔係好夠咸。湯底更加係清得制無麥味。可能個人比較重口味。奶茶幾香濃，慣常唔落糖，食佢嘅真味。茶味唔會澀，算是不錯。