丸亀製麵 (綠楊坊) (Closed)

之前MTR club送coupon你又有無攞？攞咗自然要係佢旗下商場用，雖然話要買$40先減$20，但睇返條款其實無寫，不過收得佢優惠自然要跟佢遊戲規則，依個條件下得出依個結論。丸亀製麵，大商場自然得連鎖店，而品質控制自然係最大考驗，佢嘅天婦羅真係唔隠定，始終技巧野，又同個爐有關，好難請到個個一樣，但純烏冬水準就真係得，至於款式方面？和風蜆肉烏冬，今次試兩款都係新品，但依款好似都出咗一段時間，中同大只差三蚊，當然要大！蜆量不過不失，味道可以，最正個湯底真係甜，昆布味出哂嚟，無理由唔飲！炭燒雞肉拌烏冬，得一個份量，做嘅時間最長，份量亦最少，烏冬量少得可憐，雞做得帶乾，同炭燒無任何關係，生菜、紫菜，溫泉蛋都室溫，用依個配搭麵汁，感覺較單一，但同角落那少少辣醬配合後成件事完整咗，唔太辣但有返層次，只係份量少得像空氣，食完要立即補份M。整體味道都出色，係份量少，但考慮晚餐依個價日式，午餐又唔知你有無俾返多。新品中明顯想加入中式完素，但太接近中式我反而認為去返中式店舖會更安全，尤其日本文化唔食得辣，日式嘅辣又點會辣？但向中華料理方向發展係絕對支持！