Video
Read full review
2022-02-11
798 views
經過呢條閣麟街幾次，都俾呢間餐廳嘅外觀吸引，次次都見到lunch 坐滿人。Musubi hero的招牌同佢幅外牆，搶眼到不行，未知佢食乜嘢都會先好奇。當日喺中環做完嘢，經過才知道原來佢主力走日本居酒屋嘅style路線，最欣賞係佢嘅outdoor 座位，疫情底下， outdoor座位絕對難求，難得今日路過竟然有位，就黎個一人鮨境，探吓呢個日本超人。其實都係食omakase ，當然係簡單version ，不過呢度嘅廚師發辦完全係另一回事，有前菜，有湯，有Musubi bowl，仲要有free flow 飲品，最重要係連sake 紅白酒都有free flow ，$148呢個價，割喉式搶客，怪不得之前經常高朋滿座。先來三個前菜，雞肉薯仔沙律、玉子、洋蔥火腿粒，一個人食三個前菜，仲要咁大碟，都真係不錯，最重要係有酒飲，我選了house sake ，仲要用上都幾出名嘅品牌菊咲，唔係求其俾普通野你，誠意十足。可惜當日要做野，如果唔係約埋朋友黎食野，飲下白酒慢慢食前菜，傾吓計，真係可以消磨一個下午。再上麵豉湯，暖下胃，等你可以飲多啲。相對個麵豉湯就水準平庸一點，不過可以的。Musubi bowl 有沙
經過呢條閣麟街幾次，都俾呢間餐廳嘅外觀吸引，次次都見到lunch 坐滿人。Musubi hero的招牌同佢幅外牆，搶眼到不行，未知佢食乜嘢都會先好奇。
當日喺中環做完嘢，經過才知道原來佢主力走日本居酒屋嘅style路線，最欣賞係佢嘅outdoor 座位，疫情底下， outdoor座位絕對難求，難得今日路過竟然有位，就黎個一人鮨境，探吓呢個日本超人。
其實都係食omakase ，當然係簡單version ，不過呢度嘅廚師發辦完全係另一回事，有前菜，有湯，有Musubi bowl，仲要有free flow 飲品，最重要係連sake 紅白酒都有free flow ，$148呢個價，割喉式搶客，怪不得之前經常高朋滿座。
先來三個前菜，雞肉薯仔沙律、玉子、洋蔥火腿粒，一個人食三個前菜，仲要咁大碟，都真係不錯，最重要係有酒飲，我選了house sake ，仲要用上都幾出名嘅品牌菊咲，唔係求其俾普通野你，誠意十足。
可惜當日要做野，如果唔係約埋朋友黎食野，飲下白酒慢慢食前菜，傾吓計，真係可以消磨一個下午。
再上麵豉湯，暖下胃，等你可以飲多啲。相對個麵豉湯就水準平庸一點，不過可以的。
Musubi bowl 有沙律，紫菜，飯同主菜，做功課睇推介，雞肉、日本叉燒、茄子、牛面珠，最後決定送酒最後就係揀炸雞。
樣樣剩食試味，樣樣都唔錯，沙律真係非常開胃，食炸雞食得特別開心，紫菜再加飯加炸雞，沾上沙律醬，幾秒已經食完，送隻流心蛋，正。
如果多點飯應該會更好，炸雞太好食了。
本身仲有幾個小食想吃，但一個人，不能吃太多，如果多個人一齊吃，應該會好得多。
最後，飲多杯有氣水，如果唔係返工飲多杯紅酒白酒仲好，任飲，當然要飲多兩杯。
食品嘅質素又真係唔差，晚上以居酒屋嘅包裝黎飲番杯，應該更好，就約下人下次有番晚市探下超人班吧。
Post
