Amber’s Table

Open Now

Now Closed

24號太太生日，搵咗好多間餐廳，問下佢邊間有興趣。要搵啲新嘢呀先至冇咁悶啦，咁卒之搵咗呢一間send咗個menu畀佢，佢話ok。去到呢，其實我有少少意外嘅，雖然地方唔係好大，但係啲service呢，係真係可以講話非常之高嘅。雖然我個標題話係星級，但係我都唔知乜嘢為之星級啦。冇所謂啦，食物嘅水準係中上。我點樣話中上呢？就係唔係全部達到我嘅要求嘅，不過冇辦法，因為我嘅要求比較奄尖。因為西班牙乳豬我喺西班牙食過好多次，所以我喺香港食嘅西班牙乳豬個感受係當然唔同㗎喇。咁我唔可以怪人。Anyway佢哋做得幾好，我冇影相，我同我太太享受一個佢嘅生日晚餐，我哋冇做到嗰啲相機食先嘅嘢。佢哋送咗張50蚊嘅coupon畀我，一個月內再去食嘅話，就可以用。我過兩個禮拜呀又會過去，因為幫個仔慶祝生日。有機會試下啦，如果唔係太唔順路嘅話。