Video
Read full review
2022-09-01
240 views
喺海港城呢一間coffee Academics以前鋪頭位係喺近港威中心嗰邊，佢搬咗舖之後我都要搵咗一陣先搵到佢新地址。放假就梗係chill下㗎啦，行街行到攰攰地，就搵呢間舖頭坐低飲杯咖啡，我係咖啡愛好者，所以基本上所有咖啡都會想試吓。今次被安排坐咗喺吧枱，感覺都唔會太過擠迫，望嘅地方都幾開揚，唔錯唔錯！今次叫咗鮮奶咖啡&凍紐西蘭麥盧卡蜂蜜咖啡。Latte 鮮奶咖啡🥛☕️熱嘅鮮奶咖啡一入口咖啡味都好香濃，而且奶味適中而咖啡入口亦都甘甜。我平時習慣咗飲齋啡，但呢一杯latte又好啱晏晝呢啲時間飲，因為如果晏晝我再飲齋啡我怕夜晚瞓唔到覺🙈Manuka 紐西蘭麥盧卡蜂蜜咖啡🍯🐝呢一杯麥盧卡蜂蜜咖啡，有驚喜喎！佢將麥盧卡蜂蜜放咗喺咖啡嘅最底，所以用飲管飲嘅時候，會首先飲到蜂蜜嘅甜味，而佢嗰個蜂蜜嘅味道好香，嗰種甜係有滋潤感的。飲到蜂蜜之餘，又唔會破壞到成杯咖啡嘅結構同味道，我第一次飲到真正蜂蜜嘅咖啡，呢一杯我真係強烈推介🈵
放假就梗係chill下㗎啦，行街行到攰攰地，就搵呢間舖頭坐低飲杯咖啡，我係咖啡愛好者，所以基本上所有咖啡都會想試吓。
今次被安排坐咗喺吧枱，感覺都唔會太過擠迫，望嘅地方都幾開揚，唔錯唔錯！
今次叫咗鮮奶咖啡&凍紐西蘭麥盧卡蜂蜜咖啡。
Latte 鮮奶咖啡🥛☕️
熱嘅鮮奶咖啡一入口咖啡味都好香濃，而且奶味適中而咖啡入口亦都甘甜。我平時習慣咗飲齋啡，但呢一杯latte又好啱晏晝呢啲時間飲，因為如果晏晝我再飲齋啡我怕夜晚瞓唔到覺🙈
Manuka 紐西蘭麥盧卡蜂蜜咖啡🍯🐝
呢一杯麥盧卡蜂蜜咖啡，有驚喜喎！佢將麥盧卡蜂蜜放咗喺咖啡嘅最底，所以用飲管飲嘅時候，會首先飲到蜂蜜嘅甜味，而佢嗰個蜂蜜嘅味道好香，嗰種甜係有滋潤感的。
飲到蜂蜜之餘，又唔會破壞到成杯咖啡嘅結構同味道，我第一次飲到真正蜂蜜嘅咖啡，呢一杯我真係強烈推介🈵
Post
