又一棧 (Closed)

朋友生日揀左地點方便嘅又一城 大家又想食片皮鴨 咁就試下又一棧，9點唔使等位 一入門口一排紅酒櫃 好似好高級咁場內竟然有卡位，人數唔多都可以自成一角。熱水壼睇落好elegant,杯又靚，勁似d港女去酒店食English tea用的杯，哈哈，我又扮下港女先！前菜有2碟相同的食物， 內有花生，毛豆，青瓜同腸，有少少麻辣，做前菜相當醒胃蒜泥白肉夠薄，每片都夾住青瓜，食落好清新！仲要係凍凍地，推介！口水雞正正常常。津白，不過不失。呢碟貌似豆腐嘅原來係蝦！ 好有驚喜！蝦啖啖肉再配甜酸汁，全晚至愛！！今晚重點北京填鴨，呢度一隻，份量好似比想像中細，不過皮夠脆,麵粉做的皮夠薄，溫度可以接受，唔會過凍，京葱同青瓜可以refill,食到最後有點膩，6個人食岩岩好。總結今晚晚餐都唔錯，環境裝修令人relax，食物質素唔錯，三五知己食飯相聚推介！