Video
Read full review
2021-10-13
5720 views
Staycation package包埋嘅早餐，由於無得揀定時段只可walkin，所以預早咗落去食早餐。早過八點嚟到，所以唔使等就有得入座。我哋8:50食完，出面已經排緊長龍。西式早餐基本嘅款式都有齊，有炒蛋、煙肉、雞肉腸、薯餅、茄汁豆、蕃茄等等。亦有即點即製自選餡料嘅奄列，我揀咗芝士磨菇。芝士係parmesan cheese而唔係mozzarella cheese，所以味道偏濃但無拉絲效果。中式早餐有炒麵、炒飯、粥、蒸腸粉等等。點心有冬菇燒賣、牛肉燒賣、珍珠雞同蒸包。次次食酒店buffet嘅燒賣都係唔好食，所以無期望無失望。但珍珠雞同炒麵都幾好味，珍珠雞足料，炒麵有鑊氣雞粥比較清淡煲得幾綿，都唔錯。Cold cut、沙律同生果都放喺玻璃冷櫃入面，感覺衞生，但多人攞食物時就唔太方便。幾款Cold cut同芝士都好味，沙律菜比一般buffet食到嘅更多款式，有我鍾意食嘅火箭菜但就無一般buffet必有嘅煙三文魚。乳酪有多款口味選擇，不過我自己就唔太鍾意食明治乳酪。穀麥早餐選擇多，但果汁選擇就比較少，只有橙汁同蘋果汁。麵包有好多款，淨係danish都有幾款。第一次食buffet見到港式麵包
西式早餐基本嘅款式都有齊，有炒蛋、煙肉、雞肉腸、薯餅、茄汁豆、蕃茄等等。亦有即點即製自選餡料嘅奄列，我揀咗芝士磨菇。芝士係parmesan cheese而唔係mozzarella cheese，所以味道偏濃但無拉絲效果。
中式早餐有炒麵、炒飯、粥、蒸腸粉等等。點心有冬菇燒賣、牛肉燒賣、珍珠雞同蒸包。次次食酒店buffet嘅燒賣都係唔好食，所以無期望無失望。但珍珠雞同炒麵都幾好味，珍珠雞足料，炒麵有鑊氣
雞粥比較清淡煲得幾綿，都唔錯。
Cold cut、沙律同生果都放喺玻璃冷櫃入面，感覺衞生，但多人攞食物時就唔太方便。
幾款Cold cut同芝士都好味，沙律菜比一般buffet食到嘅更多款式，有我鍾意食嘅火箭菜但就無一般buffet必有嘅煙三文魚。
乳酪有多款口味選擇，不過我自己就唔太鍾意食明治乳酪。穀麥早餐選擇多，但果汁選擇就比較少，只有橙汁同蘋果汁。
麵包有好多款，淨係danish都有幾款。
第一次食buffet見到港式麵包，細細個菠蘿包同雞尾包好可愛。
整體嚟講食物質素都唔錯，如果選擇再多啲就更加好。
Post
