Video
Read full review
2017-08-16
1374 views
今次係一篇無相既食評今日lunch 過左去食時代廣場既school food，因為午飯時間真係太多人，而且放緊暑假有好多人都過黎行街所以等位就一等！就等左八個字。當職員同我地講下一張檯到我地個一刻真係好期待！！因為等左咁耐真係腳仔又軟肚子又餓了同埋都同公司有限食飯時間有關啦，所以我地都即刻叫埋職員落埋單，希望可以一坐低就有野食。都的確好快，再企多陣就有位啦～呢個時候個職員就過黎問：E～你地四位但係落左三個主食，係唔係仲有一個餐未落？不如我覆你地一次單。我地個心即刻沉一沉⋯⋯咁頭先我地預先落單既目的係乜⋯⋯同埋點解你當下唔即刻覆單，到我地坐低先過黎覆單⋯⋯落完單又係短暫既等候，諗住小食會先上，因為小食都係沙律呀、凍豆腐呀⋯⋯但係邊估到上菜既會係熱鍋飯？（其實唔sure 係咪叫熱鍋飯，總之係有炸雞個飯）不過唔理啦因為趕時間加上大家也餓得很。今日我叫既係個豬肉彈彈涼麵，因為天氣熱而且因為無咩時間唔想食d 仲要等佢凍既食物食物一上檯就後悔了！因為份量有d 少！對於我黎講係無乜所謂既，當減肥。但係如果係正常食量既男孩子應該會覺得嚴重唔夠飽。至於相就無影了，因為呢間連鎖食店都有好多寫過食評，實有相
今日lunch 過左去食時代廣場既school food，因為午飯時間真係太多人，而且放緊暑假有好多人都過黎行街
所以等位就一等！就等左八個字。
當職員同我地講下一張檯到我地個一刻真係好期待！！
因為等左咁耐真係腳仔又軟肚子又餓了
同埋都同公司有限食飯時間有關啦，所以我地都即刻叫埋職員落埋單，希望可以一坐低就有野食。
都的確好快，再企多陣就有位啦～
呢個時候個職員就過黎問：E～你地四位但係落左三個主食，係唔係仲有一個餐未落？不如我覆你地一次單。
我地個心即刻沉一沉⋯⋯咁頭先我地預先落單既目的係乜⋯⋯
同埋點解你當下唔即刻覆單，到我地坐低先過黎覆單⋯⋯
落完單又係短暫既等候，諗住小食會先上，因為小食都係沙律呀、凍豆腐呀⋯⋯
但係邊估到上菜既會係熱鍋飯？（其實唔sure 係咪叫熱鍋飯，總之係有炸雞個飯）
不過唔理啦因為趕時間加上大家也餓得很。
今日我叫既係個豬肉彈彈涼麵，因為天氣熱而且因為無咩時間唔想食d 仲要等佢凍既食物
食物一上檯就後悔了！因為份量有d 少！對於我黎講係無乜所謂既，當減肥。
但係如果係正常食量既男孩子應該會覺得嚴重唔夠飽。
至於相就無影了，因為呢間連鎖食店都有好多寫過食評，實有相的。
個涼麵有汁拌，個麵拌完d 汁之後其實係夠味，所以豬肉唔洗醃得味咁濃呀！
個豬肉真是重口味來的！
個涼麵既汁其實係好味既，但係d 麵我真係食唔慣。
我無去過韓國食正宗韓餐，都好少食韓國菜，所以我唔知道正宗係點，有可能只係唔合我口味。
個麵好un好un 好難咬得開呀！！ 雖然係好點題，真係好彈！但係呢個un 度未免太過了吧？！
不喜歡呀！！所以就算個涼麵只有少少既份量我都吃剩了！
既然主食唔啱就食返轉頭，食個前菜。我點了餃子。
餃子係炸的，但係好明顯不是即炸呀因為d 皮係un 的（既然係咁點解涼麵仲快過餃子上菜？？）
餃子有兩粒，一粒唧滿了茄汁同沙律醬，一粒是清的。
呢個係餐廳放面既設定presentation，但係，WHY??????
咁咪一粒有醬一粒無？而且就算我人手將d 醬分去另一粒餃子，都係唔會分得平均呀
最後因為大家都食完了主食和前菜，又喝了飲品就結帳走人了～～
但係⋯⋯到我今晚打呢篇食評時，看看別人影的menu先發現我們的午餐應該是有甜品的！！！！！！！
點解無職員上甜品給我們？？儘管客人無主動要求上甜品，結帳時職員都應該提醒呀！
明明我地張檯就放曬d 食完既餐碟係度，邊有食過甜品既㾗跡？？？
份量少，連完整上菜都fail，味道又麻麻（不過呢個我個人口味啦），然後埋單又$8x~9x
呢個價錢真係去食其他野好過
Post