Video
Read full review
2019-08-01
123 views
#憶食尚臘味煲仔飯 (尖沙咀)尖沙咀亞士厘道22號好利時大廈地下-----呢間餐廳行歐陸裝修風格 以類近Tiffany blue嘅顏色作為餐廳色彩主調 望落非常吸精 令B仔同朋友誤以為佢係西餐廳 入去坐低之後 認真望一望餐牌先發現 原來呢度係食廣東菜 出名食煲仔飯嘅 真係完全估佢唔到 第一次見環境咁高級嘅煲仔飯餐廳 同傳統嘅街坊feel煲仔飯完全唔同感覺 雖然睇相啲煲仔飯好似唔錯 但由於天氣太熱 所以B仔同朋友都一致決定煲仔飯留返下次先食 今次試吓佢其他食物先-◆XO醬鮑魚伴麵（$88）鮑魚唔算好大隻 但係鮑魚味道頗濃 呢個價錢來講 鮑魚質素可以接受 XO醬同伴麵嘅分量都非常多 XO醬辣香味突出 但食落又唔太辣 有好多瑤柱絲 撈落彈牙嘅麵條入面 二個字 惹味！😁-◆手工黃金麵四件（$48）炸完之後嘅黃金麵就好似佢個名咁 呈黃金色 口感半脆半軟 點埋佢自家調製嘅醬汁食 感覺好似潮州嘅糖醋麵 酸酸甜甜 幾開胃 😊-◆雙味臘腸貝殼包四件（$48）店員話俾我哋知 呢間餐廳其中一個賣點係 佢哋擁有自家農場所有臘腸都係以自家放養嘅土豬製成 同普通以飼料豬製成嘅臘腸味道並唔一樣 所以即使唔試煲仔飯
尖沙咀亞士厘道22號好利時大廈地下
-----
呢間餐廳行歐陸裝修風格 以類近Tiffany blue嘅顏色作為餐廳色彩主調 望落非常吸精 令B仔同朋友誤以為佢係西餐廳 入去坐低之後 認真望一望餐牌先發現 原來呢度係食廣東菜 出名食煲仔飯嘅 真係完全估佢唔到 第一次見環境咁高級嘅煲仔飯餐廳 同傳統嘅街坊feel煲仔飯完全唔同感覺 雖然睇相啲煲仔飯好似唔錯 但由於天氣太熱 所以B仔同朋友都一致決定煲仔飯留返下次先食 今次試吓佢其他食物先
-
◆XO醬鮑魚伴麵（$88）鮑魚唔算好大隻 但係鮑魚味道頗濃 呢個價錢來講 鮑魚質素可以接受 XO醬同伴麵嘅分量都非常多 XO醬辣香味突出 但食落又唔太辣 有好多瑤柱絲 撈落彈牙嘅麵條入面 二個字 惹味！😁
-
◆手工黃金麵四件（$48）炸完之後嘅黃金麵就好似佢個名咁 呈黃金色 口感半脆半軟 點埋佢自家調製嘅醬汁食 感覺好似潮州嘅糖醋麵 酸酸甜甜 幾開胃 😊
-
◆雙味臘腸貝殼包四件（$48）店員話俾我哋知 呢間餐廳其中一個賣點係 佢哋擁有自家農場所有臘腸都係以自家放養嘅土豬製成 同普通以飼料豬製成嘅臘腸味道並唔一樣 所以即使唔試煲仔飯 如果有興趣嘅話 都建議我哋可以試吓佢哋嘅臘腸 果然試完之後 發現佢哋嘅臘腸的確出色 廣東臘腸帶有酒味 7分瘦3分肥 臘腸味超級濃郁 完全無油膩負擔感 食完有令人想買一盒臘腸返屋企嘅衝動 而川味臘腸就辣辣地 有啲似西班牙辣肉腸嘅感覺 B仔個人就更鍾意廣東式嘅味道😊 （臘腸太正 B仔掛住食 竟然唔記得影相😢😢希望大家原諒我）
-
◆霸王蔥油雞 （例牌-$98）蔥油調味到位 唔太鹹亦唔太油 雞一食就知係走地雞 肉質緊實同普通冰鮮雞完全唔同質感 望落雖然細細碟 其實食落份量都幾多 😆
-
◆板鴨蘿蔔煲（$88）初初食嘅時候湯底好清甜 帶少少鹹味 但系由於板鴨本身帶鹹味 係湯度浸得太耐 會令板鴨嘅鹹味出晒嚟 所以令到之後飲嘅時候 湯有少少偏鹹 建議趁熱趁新鮮 一上檯就好盡快飲晒佢😂
-
◆御髮膳粥（$58一碗/$118一煲）材料好豐富 有黑米 黑芝麻 蓮子 雜糧 蕨麻 核桃等等 食落好養生 好暖胃 而且不太甜 令人食完感覺舒服😋
-----
👶🏻B仔整體評價：7.9/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
Post
