Video
Read full review
2019-07-17
4909 views
好耐無同老婆拍拖更過嚟港島呢邊，所以，趁呢個星期六大家都無乜嘢搞，可以輕鬆啲，就行吓香港公園一帶。順道過埋嚟灣仔頭蘭杜街嘅「Odelice」食個午餐。大概年幾前同朋友到訪過尖沙咀店，印象中喺有質素嘅，而且，仲記得有款牛油果班尼迪蛋，喺好啱老婆口味嘅菜式，故此，更加要帶佢嚟試吓。唔及尖沙咀店地方咁大，但裝修方面都下過苦功，而Odelice主打賣法國菜，所以，裝潢都有點法式小館嘅樣子。我哋嚟得早，未有太多客，但坐無耐，唔喺講笑，就爆晒場，座無虛席咁滯。星期六、日及假期嘅午市，主要喺供應「早午套餐」，供應時間由12:00pm-5:30pm，包沙律或是日餐湯、主菜和基本餐飲。而主菜嘅選擇非常之多，如全日早餐、班尼迪蛋 、法式蕎麥薄餅、法式多士三文治、意粉及燴飯、主廚挑選菜式……等等，定價視乎所選主菜，由$48至$168，豐儉由人。除咗個套餐，餐牌仲羅列咗多款特色甜點，尤其法式可麗餅系列，真喺好多款式揀。此外，餐牌裡仲提供多款精選特飲、特色咖啡、天然鮮榨果汁、高級花草茶及梳打飲品。唯可惜套餐餐飲只可以加錢轉為意大利泡沫咖啡或鮮奶咖啡，並不可以轉配其他飲品，稍微欠點彈性。是日精選餐湯今日餐湯喺乜？
唔及尖沙咀店地方咁大，但裝修方面都下過苦功，而Odelice主打賣法國菜，所以，裝潢都有點法式小館嘅樣子。我哋嚟得早，未有太多客，但坐無耐，唔喺講笑，就爆晒場，座無虛席咁滯。
星期六、日及假期嘅午市，主要喺供應「早午套餐」，供應時間由12:00pm-5:30pm，包沙律或是日餐湯、主菜和基本餐飲。
而主菜嘅選擇非常之多，如全日早餐、班尼迪蛋 、法式蕎麥薄餅、法式多士三文治、意粉及燴飯、主廚挑選菜式……等等，定價視乎所選主菜，由$48至$168，豐儉由人。
除咗個套餐，餐牌仲羅列咗多款特色甜點，尤其法式可麗餅系列，真喺好多款式揀。
此外，餐牌裡仲提供多款精選特飲、特色咖啡、天然鮮榨果汁、高級花草茶及梳打飲品。唯可惜套餐餐飲只可以加錢轉為意大利泡沫咖啡或鮮奶咖啡，並不可以轉配其他飲品，稍微欠點彈性。
是日精選餐湯今日餐湯喺乜？其實牆上已寫，不過店員都會介紹一次，是日就喺蕃茄湯（Tomato Courgette Soup），但你會問，點解湯色見橙，而非紅色？我都好奇，就喺因為加入意大利黃青瓜，再者，唔知喺咪刻意減少忌廉份量，入口較為清爽，帶微微蕃茄酸香。
田園沙律個沙律簡簡單單以沙律菜、櫻桃蘿蔔、青瓜、車厘茄、甘筍絲為基礎，淋上油醋而成，食得出用料新鮮，入口爽脆清爽，輕易打開胃納。
香煎帶子蕎麥薄餅 $135既然餐廳喺主打法式，當然揀啲法式風味嘅主菜啦，又以法式蕎麥薄餅較特別，多年前晌中環嘅「Springfields」都試過呢類鹹食嘅薄餅，非常特別，故此特意點嚟俾老婆試試。從餐牌所見，喺由香煎帶子、煙肉、香濃白酒忌廉煮野菌所組成，配以沙律菜。
香煎帶子蕎麥薄餅
$135
33 views
0 likes
0 comments
蒜香白酒大蜆意粉 $148因為上次都食過班尼迪蛋，故今次另一主菜就唔翻兜，改為由店長推介嘅大蜆意粉，據介紹最大賣點喺啲大蜆，嚟自法國，所以，睇外觀絕對喺靚貨，隻隻都好大隻，蜆肉顯得厚身飽滿。
先試試啲扁意粉，煮得夠咬口，有韌勁，最怕就喺嗰啲過腍嘅意大利麵，而且，微微滲出白酒及蒜香，只喺有點點過鹹嘅情況出現；蜆肉果然好得，鮮甜得嚟像帶點海水嘅鹹鮮味，真不愧為法國貨。
熱檸水由於無得轉其他特色飲品，熱檸水喺老婆嘅最佳選擇，平常真喺唔會加一欄嚟寫熱檸水，但當熱檸水竟然都配上一小件楓糖餅乾，以及佐以花蜜代替一般嘅沙糖，依啲就喺質素嘅分野，有咁嘅細心位，點可以唔寫番少少嘢！
拿鐵 +$10雖然佢哋唔喺一家正式嘅咖啡店，但杯拿鐵賣相都OK架，同樣配上一小件楓糖餅乾。先呷一啖，雖則口感未至於好均勻，但咖啡嘅醇香度絕不失禮。
煎香蕉、焦糖醬、雪糕可麗餅 $55既然餐飲揀咖啡，就喺因為預咗以甜點作結，先試嘅喺呢一款夠晒「蕉」氣嘅可麗餅，餅面仲淋得滿滿焦糖醬，勁啱晒我嘅口味。
煎香蕉、焦糖醬、雪糕可麗餅
$55
41 views
0 likes
0 comments
提拉米蘇 $65食完個可麗餅，兩公婆都意猶未盡，追加多一道提拉米蘇，不單大大件提拉米蘇，更以士多啤梨及鮮打雜莓醬做裝飾，體現番廚師嘅製作一啲都唔馬虎，處處到位。
提拉米蘇
$65
41 views
0 likes
0 comments
悠閒嘅環境，出色嘅食品，再加上到位、有禮嘅服務，讓我哋渡過一個寫意嘅午餐時光，亦明白何解就連星期六嘅午市都咁爆場。
Post
