渡邊屋

Open Now

Now Closed

九龍城嘅依間日本餐廳渡邊屋，座位唔多，但無論邊個位置都可以坐係師傅面前，睇到師傅為你準備每一樣嘅食材。餐廳雖然唔大，但係九龍城經過幾次都比佢吸引，所有食材非常新鮮，絕對值得一試。本鮪赤身蔥吞拿魚腩丼丼飯鋪滿左厚厚嘅吞拿魚蓉，並非薄薄一層，係非常足料，面頭嘅吞拿魚腩圍住鮮橙黃色嘅蛋黃，見到賣相非常吸引。撈勻充滿蛋香嘅蛋黃同飯一齊食，味道非常豐富，食到最後一啖都有吞拿魚蓉，份量絕對係非常足。 火炙壽司盛盒（三文魚/油甘魚/帶子/左口魚/鰻魚/赤蝦/原條海鰻）係師傅製作途中已經聞陣陣嘅香味，上枱見到壽司嘅樣子，更加令人期待。 當中原條海鰻好長，入口即溶。每件都燒到剛好，充滿油香，食得出食材非常新鮮。刺身盛盒（三文魚/油甘魚/真鯛甜蝦/帶子/海膽魷魚卷/𩶘魚）刺身好豐富，魚嘅刺身都係厚切，帶子好鮮甜。海膽魷魚卷幾特別，彈牙嘅魷魚包住creamy鮮甜嘅海膽，充滿鮮味。