御宮日本料理 (Closed)

見新開剛剛又落深水埗就黎試下，兩個人叫左兩個餐，一個箱壓三文魚壽司拼烏冬，一個海膽三文魚魚生飯，叫多樣蕃茄沙律同燒多春魚。環境係一般日式餐廳裝修，卡位得兩張，其餘坐就比較迫。服務OK但唔算欣勤。講返食物，呢個飯老婆食既，佢話海膽三文魚算新鮮，但味道淡，飯就一般。呢個壽司都OK，三文魚味唔夠，但算新鮮。呢個蕃茄唔係日本貨，只係普通蕃茄，不過都叫做幾爽同叫埋D汁幾好味。呢個老婆話全晚最好架啦，落ORDER個時叫佢燒香D，出黎幾好食。個烏冬唔係彈牙個D，無乜特別，個碗好細，基本上一筷食完。埋單無記錯都要三舊幾，唔可以話好抵，但質素跟價錢成正比囉。