龍鳳冰室 (Closed)

想去茶餐廳食個下午茶，去左春園街附近搵食點知兩間都要等位，見呢間都幾多人幫襯，咁啱又有位就入去試一試啦。同朋友都叫左下午茶餐，一碗麵配飲料。沙嗲牛肉麵 - 牛肉用左牛柳，都有幾多條，肉質都淋唔靭。粟米好似用牛油炒過，所以幾香。麵嘅軟硬適中，湯底加埋沙嗲汁都算濃味。餐蛋麵 - 餐肉有一大片，蛋都炒得算滑。湯底就比較淡，我要攞朋友幾匙沙嗲湯底加番啲味。凍奶茶同凍檸茶都屬一般，主要都係茶味唔夠濃。另外個人覺得餐廳可以用番玻璃杯，可以環保啲。