愛吃家常便飯 (Closed)

上星期六一家四口出了銅鑼灣行誠品,因銅鑼灣的食店在晚飯時間都要等位，所以行了去灣仔方向，經過這間叫家常便飯的小店,見環境都幾舒服又有位就入了去試下，店員好熱情地介紹餐廳的招牌菜。因我的兩位囡兒很喜歡食雞，我點了沙薑雞，家鄉蓮藕餅，酥炸茄子及粉絲雜菜煲來送飯。我要讚一讚此店的沙薑鷄，鷄件多肉也好嫰滑，沙薑雞是用沙薑粒煮，已不是普遍的用沙薑粉，好有味道，小朋友都好鍾意食！家鄉蓮藕餅賣相普通，不太油，味道不過不失。家鄉蓮藕餅賣相普通，不太油，味道不過不失。酥炸茄子炸得幾香口，但又唔算炸得好勁，味道幾惹味，小朋友都鍾意食！粉絲雜菜煲，裏面有雜菜及雜菇，清清地，都OK。食完飯後仲有綠豆糖水送，但味道淡了一點。我覺得此店的食物及環境都不錯，店員服務很親切，一家四口食了$300，價錢都可接受！下次出開銅鑼灣都會考慮再來！