酒燒弄 (Closed)

店鋪細細，不過店內氣氛好好。我同朋友兩個叫咗一個串燒2人餐($698)，仲叫咗3杯生啤，埋單8百幾蚊左右。最有印象係燒白鱔同牛舌心。白鱔外皮香脆，魚肉保持彈牙多汁，調味適中，回味無窮。牛舌雖然有啲太salty，但燒得好香，肉質仲係好爽口，充滿牛味。其實茄子同翠玉瓜燒完唔會太乾，唔錯嘅。汁燒豆腐外脆內軟，加埋燒汁同木魚絲，好夾。其它就正正常常。Overall味道唔錯，服務ok，氣氛熱鬧，但以呢個質素同食物材料嚟講，價錢略嫌稍高。除非價錢平返啲，唔會再encore，但值得試一次嘅。