Video
Read full review
2019-10-16
401 views
放lunch打算去食吓好嘢，就嚟咗銅鑼灣嘅千兩，一入到去入邊唔係好大，都冇咩地方可以坐，坐咗喺吧枱。感覺唔算特別乾淨，有少少油嘅感覺。由於都幾多人下，坐得都有啲迫，唔知點解我個位冇定食嘅餐牌，所以我就唔知有得揀，叫咗主餐牌嘅嘢食定食好似抵啲又平啲！咁我就叫咗一個10件嘅壽司拼盤，$198。講真，啲壽司真係幾好食，係啲魚生上邊仲加咗啲配料同醬汁，錦上添花。相反如果嗌定食嗰啲壽司就只會係單純一件壽司。同埋坐吧枱會見到前面嘅師傅喺度逐件逐件整其實10件壽司都已經夠飽，我再叫咗個燒番薯，$18。蕃薯比我想像中軟身，正常，不過只係基本。最後仲叫咗個燒秋葵，第一啖食落口覺得鹽味太多，不過食食下都幾好食，但係其實本身秋葵就好食，所以唔關佢煮得好唔好事不過佢燒完之後唔太乾身，外皮都唔會好脆。順帶一提，啲侍應其實都OK有禮貌，但係我都係咩住個背囊去，然後冇位俾我擺，被逼要將背囊放喺地下。點知到我臨走嗰陣，我竟然聽到個侍應主動Offer比隔離個女仔一個盒俾佢放手袋令我感覺有啲差。。。。
由於都幾多人下，坐得都有啲迫，唔知點解我個位冇定食嘅餐牌，所以我就唔知有得揀，叫咗主餐牌嘅嘢食定食好似抵啲又平啲！
咁我就叫咗一個10件嘅壽司拼盤，$198。講真，啲壽司真係幾好食，係啲魚生上邊仲加咗啲配料同醬汁，錦上添花。相反如果嗌定食嗰啲壽司就只會係單純一件壽司。同埋坐吧枱會見到前面嘅師傅喺度逐件逐件整
其實10件壽司都已經夠飽，我再叫咗個燒番薯，$18。蕃薯比我想像中軟身，正常，不過只係基本。
最後仲叫咗個燒秋葵，第一啖食落口覺得鹽味太多，不過食食下都幾好食，但係其實本身秋葵就好食，所以唔關佢煮得好唔好事不過佢燒完之後唔太乾身，外皮都唔會好脆。
順帶一提，啲侍應其實都OK有禮貌，但係我都係咩住個背囊去，然後冇位俾我擺，被逼要將背囊放喺地下。點知到我臨走嗰陣，我竟然聽到個侍應主動Offer比隔離個女仔一個盒俾佢放手袋令我感覺有啲差。。。。
Post
