壽喜燒·肉屋

Open Now

Now Closed

星期五晚同朋友慶祝生日，佢揀左去食壽喜燒。一定要每人揀一個餐，我地四個就揀左特選x1、特上x2、極上x1，share食。每個餐包左A5薩摩牛切片、三款前菜、野菜盛合、蘭王蛋及無菌蛋漬物、米飯、甜品。我覺得特上．薩摩牛壽喜燒既霜降A5薩摩牛切片最好食，最軟腍; 極上既極．霜降A5薩摩牛切片因為厚d，所以比較韌; 特選既赤身A5薩摩牛切片就油脂感無甘出。前菜有黑松露醬慢煮和牛、胡麻凍豆腐、雞軟骨丸子，唔錯。野菜盛合都幾豐富。甜品係柚子雪葩。