阿拉麵館 (Closed)

12:30打電話去問吓有無枱，佢話幫我book住先，心唸咁full？！12:45到達，嘩．．．．勁多吉枱，我地兩個人被安排坐卡位，其實卡位唔係咁好坐，不過勝在靜靜地可以傾吓計。兩個人第一次黎幫襯，唔甘心就咁order兩個set lunch，雖然佢既set lunch係幾底。所以決定叫一個set lunch同其他食物。Set Lunch: 酸辣湯粉絲+三隻小籠包+竹蔗薏米水　 個酸辣湯粉絲唔太辣，味道唔錯，不過ｄ粉絲太淋。至於小籠包我覺得一般，唔太差但亦唔覺特別好食。 毛豆南瓜，豆味香，有麻油味，不過食唔出南瓜味 小排骨好唔掂，其實味都ｏｋ，但超"un"，乾淨淨。佢真係要向姊妹食店天與地偷吓師，人地嗰個真係好好食架。 蔥油餅，全餐飯最好食呢樣，入口唔太油，好鬆化。(Good!) 高力芒果，雖然已經好飽同要等15分鐘先有得食，不過一心黎到都好想試吓。但係好失望，呢種整法同芒果一ｄ都唔match。雖然個皮做得幾好，但熱咗既芒果，食落酸酸地，整體覺得唔好食。涷咗之後，ｄ芒果好食好多，但係個皮就變得太淋。