Video
Read full review
2008-04-02
11 views
金牌火煱事先聲明，今餐係同幾位金牌嘅熟客一齊去，所以服務係非常好。同兩個朋友傾完野，决定去打邊爐，佢地話去金牌，因為D牛好正。八點幾，冇乜人，得三四張枱有人，兩個Friend都覺得奇怪，話平時好多人，所有食物都係個Friend叫，因為佢地熟，湯底要左牛骨煱，再點牛肉粒，墨魚滑，炸支竹，生菜，豆腐，水餃，金茹，部長介紹手切牛有兩種，一種重味D，但係”鞋”D，另一種冇甘重味，但係滑嫩好多，决定一樣一碟，想食魚，叫佢介紹，話有唔知乜乜班，心念咁”鞋”點打邊爐，所以馬上叫佢再介紹，佢話深海泥鯭細絛D，啱兩個人食(因為我其中一個Friend唔食魚)，OK，部長馬上攞條嚟睇睇，嘩，大條度！足兩斤，心念玩野咩，三個人叫左三碟牛，仲整絛甘大條魚！馬上叫唔攞走，最後想加個牛肺，落左單，個Friend先叫佢地取消，原來牛骨煱有好多牛什，部長都幾唔老實。湯底黎度，都嚇咗一跳，同街邊D牛什冇分別，用牛什打邊爐都係第一次，死啦咁努力減肥，又要再黎過，D牛什幾入味幾存食，不過偏咸。牛肉粒，同牛皇星一樣，一樣咁嫩，不過個湯太重味，唔係好食度牛肉本身嘅味。墨魚滑，一般，有乜特別。炸支竹，OK。生菜，一般。豆腐，一般。
事先聲明，今餐係同幾位金牌嘅熟客一齊去，所以服務係非常好。
同兩個朋友傾完野，决定去打邊爐，佢地話去金牌，因為D牛好正。
八點幾，冇乜人，得三四張枱有人，兩個Friend都覺得奇怪，話平時好多人，所有食物都係個Friend叫，因為佢地熟，湯底要左牛骨煱，再點牛肉粒，墨魚滑，炸支竹，生菜，豆腐，水餃，金茹，部長介紹手切牛有兩種，一種重味D，但係”鞋”D，另一種冇甘重味，但係滑嫩好多，决定一樣一碟，想食魚，叫佢介紹，話有唔知乜乜班，心念咁”鞋”點打邊爐，所以馬上叫佢再介紹，佢話深海泥鯭細絛D，啱兩個人食(因為我其中一個Friend唔食魚)，OK，部長馬上攞條嚟睇睇，嘩，大條度！足兩斤，心念玩野咩，三個人叫左三碟牛，仲整絛甘大條魚！馬上叫唔攞走，最後想加個牛肺，落左單，個Friend先叫佢地取消，原來牛骨煱有好多牛什，部長都幾唔老實。
湯底黎度，都嚇咗一跳，同街邊D牛什冇分別，用牛什打邊爐都係第一次，死啦咁努力減肥，又要再黎過，D牛什幾入味幾存食，不過偏咸。
牛肉粒，同牛皇星一樣，一樣咁嫩，不過個湯太重味，唔係好食度牛肉本身嘅味。
墨魚滑，一般，有乜特別。
炸支竹，OK。
生菜，一般。
豆腐，一般。
水餃，非常足料，有兩隻大蝦，幾好。
金茹，一般。
手切牛，果然睇得出有兩種，一種比較深色，一種有D似和牛，味道同部長講嘅一樣，自己覺得個湯已經好濃牛味，比較濃牛味嘅一種係味道上無法突出，加上”鞋鞋地”，所以比較嫩滑嘅一種比較配合個湯，最後我地都追加左比較嫩滑嗰種。
食度中途，又加多一位熟客，所以要加單，部長話深海墨魚好食，所以加左一碟，再加左白菜餃。
深海墨魚，剌身上，賣相好得，味道一流，生食好甜，半熟食，加埋湯嘅咸味，好好味。
白菜餃，一般。
其實食左幾塊牛同幾塊牛什，己經冇乜胃口，我係極鐘意牛肉同牛什，但係咁打邊爐，真係好”流”，加上個湯越打越咸，乜野放落去上返黎都係差唔多味，如果唔係碟深海墨魚，Refresh下我嘅味覺，我念我一早Give-up。服務唔好講，不公平事情况下，講嚟都無意思。
Post
