金記冰室 (Closed)

行完銅鑼灣想搵飯食，誤打誤撞入左黎，叫左個薑蔥魚腩配飯同湯＄78，另外見到有樣飲品叫窩蛋牛肉汁，抱住打大佬既心態叫埋！ 魚腩幾多骨，但個味調得幾好啲蔥唔會唔熟咁，正好辟到腥味，魚腩肉又唔會散晒，可以真係一舊舊咁送飯，餐湯係羅宋湯，蕃茄味好濃烈，鍾意蕃茄味既應該會鍾意，唔鍾意酸既就揀返中湯lol 至於個牛肉汁.....好似細個偷呀媽煮完餸啲汁飲咁，好搞笑！