不苦

Open Now

Now Closed

相信好多work from home得多同耐嘅人應該都會覺得成日喺屋企做嘢有時好悶下🤡小弟為咗解決呢個問題，今日去咗cafe做嘢🥲🥲🥲但本身想去果間原來星期一唔開，喺失望之際，見到附近嘅不苦，睇落靚靚地就走左入去。🌮煙三文魚牛油果酸種麵包 $78因為個早餐有啲飽，想叫個輕盈啲嘅。價錢唔平，甚至有啲進取，但味道平平。牛油果🥑有啲生，沙律🥗唔特別新鮮，煙三文魚普普通通。食完有啲空虛感😂，份量比我想像中仲要少。☕️涷Hojicha Latte $56Hojicha味濃嘅，不過太細杯啦，感覺唔係咁值$56。可能叫lunch set再加$36會抵啲，散叫唔建議。🍰Oolong Cream Roll Cake $55充滿Oolong味，但cake嘅質感有啲實，可能個人口味問題，唔係咁鍾意實嘅口感，Cream好夠滑。整體可以嘅。💁🏻‍♀️服務幾好。侍應睇落好young 下，可以feel到幾有heart幾殷勤。🌟環境的確好靚下，而且非繁忙時間唔催人走，呢兩點係幾好。如果食物質素可以提升下，我會好有動力再訪😂，因為價錢唔平。