La Rambla

Open Now

Now Closed

Item: La Rambla
Rating: 4
Author: hangryhappy

3.5

125 Reviews

Taste

Decor

Service

Hygiene

Value

21601

Central

$401-800

Spanish

hangryhappy

Level2

Read full review

呢間餐廳嘅sunday brunch 好受人歡迎，見身邊好多同事嚟完都大讚，所以自己忍唔住都要黎試試。接待嘅服務員態度好殷切，感覺十分welcoming。我哋安排的位置可以多角度睇到海景，十分開心。其實餐廳多處可以欣賞到香港美麗嘅維多利亞港，感覺十分開揚，坐得舒服。坐低睇清楚個menu，終於知道點解咁受大家歡迎，尤其是我身邊個同事家中係有年幼既細路仔 - “complimentary for kids under 10 years old". 唔怪得啦! Sunday brunch 個menu好豐富，好多嘢食，最後係食到非常飽飽。頭盤包括多樣西班牙小碟，例如炸小丸子(ham croquette)，西班牙咸火腿/風乾香腸/芝士，醃製小白鯷魚 (white anchovies), 黑松露火腿芝士迷你多士 (truffle Jason and cheese bikinis), 半熟蛋脆薯 (broken egg) ，西班牙小青椒，沙律等等。其實說完個頭盤都已經飽飽!! 頭盤雖然選擇多，份量亦都可以免費添加，但食物嘅質素同烹調其實好一般。例如西班牙火腿冇乜香味，只係得個鹹字；西班牙迷你小多士，完全無松露嘅味道；或者係半熟蛋脆薯十分，十分，十分咸；小青椒都一樣十分行咸，仲要好多油，油浸青椒咁。唯一嗰個醃製小白鯷魚係最好食! 沙律都幾好。到主菜，每人可以選擇一樣。我哋揀咗經典西班牙飯，斧頭扒(Tomahawk); 乳豬(Segovian 塞哥維 style)。唔知係咪因為已經食飽咗，所以食主菜時，覺得樣樣嘢都好一般。西班牙飯，冇乜特別，又係咸。乳豬唔係好新鮮，所以有啲哨，但燒得唔錯，個皮都值得食 (當然終都係我哋廣東人嘅乳豬係最好食)。斧頭扒好失望，肉嘅質地有啲老，牛騷味唔夠。甜品就算啦，非常普通，都費事提。如果講地方，食物嘅份量，呢度係合格。如果係講食物嘅質素同烹調，就真係唔得。我唔會再番黎，但如果有朋友問好唔好黎呢度，我覺得睇下佢地抱住咩心態。始終十歲以下嘅小童係免費，食物選擇多，份量多，環境靚爆，服務態度一流，有吸引人之處。但如果你係在乎質素同埋要好食嘅，我就唔會建議嚟呢度囉。