Video
Read full review
2018-10-16
122 views
前幾日去咗尖沙咀食lunch，我同朋友揀咗一間Omakase食。Lunch嘅Menu有三個餐，上網睇咗好多人都揀中間嗰set，全部都好評，咁即係冇伏啦，所以揀咗中價個set，包括一道前菜，一份蒸蛋，十件壽司，海膽杯，一份手卷，漬物（湯），甜品。Omakase，即係廚師發辦，亦都係客人對師傅嘅一種信任。係日本小型嘅料理店常見嘅食法，亦係一種日式嘅文化。介紹番嘢食先。腐竹芝麻墨魚🦑甜甜地，令人幾開胃，係一道唔錯既前菜。蒸蛋蒸蛋時間啱啱好，唔會話太多蛋水，亦都唔會太過乾身。蒸蛋裏面仲有少少菌類同埋菜，唔會剩係得蛋咁單一。食完兩款前菜之後，就到omakase主打嘅壽司。金目鯛淨係個賣相已經非常吸引。師傅會用個細掃係每一件壽司掃一層薄醬汁，令件壽司睇起上嚟更有光澤，更易入口。作為第一件壽司，師傅話可能味道會較淡，但鮮美一定唔會少。果然，魚肉非常之鮮甜美味，完全唔使再添加平時食嗰啲壽司豉油去為件壽司提味。魚肉亦都唔係薄切，厚厚嘅金目鯛令口感更加豐富。真鯛師傅話，真鯛又名櫻鯛，因為真鯛魚身係白粉色，同櫻花顏色相似，所以有咁嘅別名。係真鯛上邊，師傅加咗一粒魚肝，令入口嘅味道變得更加複雜，本身真鯛鮮甜再
Omakase，即係廚師發辦，亦都係客人對師傅嘅一種信任。係日本小型嘅料理店常見嘅食法，亦係一種日式嘅文化。介紹番嘢食先。
腐竹芝麻墨魚
15 views
0 likes
0 comments
腐竹芝麻墨魚🦑
甜甜地，令人幾開胃，係一道唔錯既前菜。
蒸蛋
蒸蛋時間啱啱好，唔會話太多蛋水，亦都唔會太過乾身。蒸蛋裏面仲有少少菌類同埋菜，唔會剩係得蛋咁單一。
食完兩款前菜之後，就到omakase主打嘅壽司。
真目鯛
18 views
0 likes
0 comments
金目鯛
淨係個賣相已經非常吸引。師傅會用個細掃係每一件壽司掃一層薄醬汁，令件壽司睇起上嚟更有光澤，更易入口。作為第一件壽司，師傅話可能味道會較淡，但鮮美一定唔會少。果然，魚肉非常之鮮甜美味，完全唔使再添加平時食嗰啲壽司豉油去為件壽司提味。魚肉亦都唔係薄切，厚厚嘅金目鯛令口感更加豐富。
真鯛配魚肝
12 views
0 likes
0 comments
真鯛
師傅話，真鯛又名櫻鯛，因為真鯛魚身係白粉色，同櫻花顏色相似，所以有咁嘅別名。係真鯛上邊，師傅加咗一粒魚肝，令入口嘅味道變得更加複雜，本身真鯛鮮甜再加上魚肝濃郁嘅味道，兩者之間嘅一個平衡，令依件壽司並唔再係普通嘅真鯛壽司。
深海池魚腩(燒)
14 views
0 likes
0 comments
深海池魚腩
燒過嘅深海池魚腩壽司，非常好味。由於即燒即食，未食嗰陣時已經聞到灸燒壽司嗰陣香味，令我對依件壽司期望更加大。好在師傅亦都冇令我失望，池魚腩嘅魚油非常搶口，食落口更加係非常之滑非常之香。順帶一提，正宗日本壽司嘅壽司裏面，會有微量嘅Wasabi，所以係唔使自己落㗎，除非你好鍾意食Wasabi啦。
喉黑魚(燒)
20 views
0 likes
0 comments
喉黑魚
依隻魚，小弟係第一次食，平時去普通嘅壽司鋪根本冇可能有依隻魚。師傅話依隻魚之所以叫黑喉，係因為個喉嚨係黑色。今次依件壽司啲肉質比較硬身，雖然冇前幾舊鮮甜，但今次呢舊魚味較重。好有可能因為黑喉係赤身魚，前三舊都係白身魚。
赤拖羅
16 views
0 likes
0 comments
赤拖羅
雖然係赤身，但亦都見到脂肪條紋，就知道依舊壽司唔會唔好味。拖羅即係吞拿魚腩，主要講求質感，魚油香同味道，三點都做得唔錯，尤其係魚油香方面，更加係回味無窮。
左口魚
11 views
0 likes
0 comments
左口魚
平時可能食開嘅係灸燒左口魚，今次廚師為我地預備左未燒過嘅左口魚，竟然有驚喜。一入口嗰陣時，係估唔到嘅甜味，平時食刺身可能只係得鮮但係冇甜，但依舊左口魚壽司，真係鮮甜並重。唔係誇大左，依舊壽司係比到一個震撼我。
帶子
師傅話呢度嘅帶子係由北海道嚟嘅。個人覺得帶子冇乜得好評，除非唔好味嗰啲。
廣島蠔
13 views
0 likes
0 comments
廣島蠔
廣島蠔壽司都略有驚喜，因為我估唔到呢度嘅廣島蠔壽司蠔味可以咁重，重點係，食落去果下真係唔捨得一啖吞落肚， 隻蠔好似係口腔裏面游緊水咁，完全冇咗阻力，非常嫩滑。
左口魚裙邊(燒)
19 views
0 likes
0 comments
左口魚裙邊
微微燒過嘅左口魚裙邊，更能帶出香味，味道唔會太重，鮮味亦足夠，作為總結嘅壽司都係一個唔錯嘅選擇。
海膽杯
18 views
0 likes
0 comments
海膽杯
好正呀！個杯真係鋪滿晒海膽架。每一啖既海膽都好肥好甜。賣相都唔差，海膽杯上面嘅一隻甜蝦仔，更顯美態。一啖飯一啖海膽，雖然已經有少少飽，個依個海膽杯亦都比我秒殺左。
白身魚手卷
手卷紫菜非常脆，白身魚都常足料，唔係飯撈紫菜溝豉油，真材實料。
魚骨湯
師傅話呢個係用魚骨煲嘅湯，非常好飲，因為好香。成個湯非常清郁，清係指個湯冇做多左，冇多餘既材料去影響個味，郁係指魚味十分重，即係個湯煲左好耐同埋好夠材料。
豆腐雪糕
8 views
0 likes
0 comments
豆腐雪糕
依個甜品亦都係非常之好味，首先，個雪糕甜得來又唔會好溜，個感覺就好似你就算食好多都好，你都唔會覺得會野痰會唔健康。豆腐味都好香，個人覺得，要做多重豆腐味係非常之難，因為豆腐本身味道較淡，所以味道難以出眾。
講完食個方面，就講下餐廳個環境啦。餐廳裏面超級闊落，櫈同櫈之間嘅距離唔會覺得迫，坐落都幾舒服。餐廳衛生環境非常好，燈火亦都非常光猛，唔知係咪咁樣，壽司嘅光澤都好睇啲。另外要講下嘅，就係有一對巧手嘅日藉師傅，佢啲廣東話雖然唔好，但都足夠用埋少少英文同客人溝通，亦都會話俾你聽每道菜嘅名。尤其係你每食一件壽司，佢都會非常知想你俾意見，等佢知道客人滿唔滿意，呢一點，可以睇得出師傅十分重視客人對食嘅感覺，亦都可以話師傅對食物有一種執着。
總結：個人推介會係深海池魚腩，左口魚，海膽杯。$588呢個價其實都幾抵食，因為可以食到好多平時唔會食嘅壽司，仲要係高質嘅，同埋$588係Omakase來講，絕對唔係啲咩嘅價錢。下次有時間嘅話，會試吓晚餐同午餐有咩分別，可能會有更多驚喜。
Post
