Video
Read full review
2023-09-27
309 views
[ YOAKE 夜明け ]前排去荔枝角D2 Place二期行街睇戲發掘到新開呢間以天婦羅及壽喜燒作主題嘅日式🇯🇵餐廳。晚市供應兩款廚師發辦套餐，$680主打天婦羅，而$980有天婦羅及和牛壽喜燒。✿ 廚師發辦天婦羅晚餐 $980/位套餐有前菜、蒸物、天婦羅、和牛壽喜燒、飯麵及甜品。1. 前菜「蟹肉他他」🦀松葉蟹肉及醋啫喱放係日式最中餅之上，作為前菜挺開胃。2. 蒸物「仙鳳趾蠔茶碗蒸」🦪🥚日本北海道仙鳳趾生蠔煎至金黃色後放到碗內，蠔肉鮮甜味道濃郁，跟茶碗蒸一樣口感超嫩滑。3. 天婦羅🔥食客可以近距離觀賞師傅製作天婦羅料理。師傅會按每位食客進食速度以自家製炸漿及新鮮食油即炸天婦羅並送到食客面前。熱辣辣嘅天婦羅炸到金黃酥脆，薄薄嘅外皮裹住食材，炸粉唔會散開，內裡口感軟嫩。席前調味料有天婦羅汁配蘿蔔蓉、咖喱鹽、海鹽及檸檬，配合唔同款式天婦羅。今晚師傅發板安排10款天婦羅，包括海鮮4品、肉類1品及日本野菜5品。花竹蝦🍤蝦身及蝦腳分開製作。天婦羅蝦身啖啖肉夠肉汁，蝦尾及蝦腳炸得好香脆。日本沙追魚🐟可配搭海鹽進食，魚肉嫩滑，北海道帆立貝刺身級帶子炸至半熟，軟嫩多汁。海膽卷紫蘇葉炸得超脆，上面放有北海
前排去荔枝角D2 Place二期行街睇戲發掘到新開呢間以天婦羅及壽喜燒作主題嘅日式🇯🇵餐廳。
晚市供應兩款廚師發辦套餐，$680主打天婦羅，而$980有天婦羅及和牛壽喜燒。
✿ 廚師發辦天婦羅晚餐 $980/位
套餐有前菜、蒸物、天婦羅、和牛壽喜燒、飯麵及甜品。
1. 前菜
「蟹肉他他」🦀
松葉蟹肉及醋啫喱放係日式最中餅之上，作為前菜挺開胃。
2. 蒸物
「仙鳳趾蠔茶碗蒸」🦪🥚
日本北海道仙鳳趾生蠔煎至金黃色後放到碗內，蠔肉鮮甜味道濃郁，跟茶碗蒸一樣口感超嫩滑。
3. 天婦羅🔥
食客可以近距離觀賞師傅製作天婦羅料理。師傅會按每位食客進食速度以自家製炸漿及新鮮食油即炸天婦羅並送到食客面前。熱辣辣嘅天婦羅炸到金黃酥脆，薄薄嘅外皮裹住食材，炸粉唔會散開，內裡口感軟嫩。
席前調味料有天婦羅汁配蘿蔔蓉、咖喱鹽、海鹽及檸檬，配合唔同款式天婦羅。
今晚師傅發板安排10款天婦羅，包括海鮮4品、肉類1品及日本野菜5品。
花竹蝦🍤
蝦身及蝦腳分開製作。天婦羅蝦身啖啖肉夠肉汁，蝦尾及蝦腳炸得好香脆。
日本沙追魚🐟
可配搭海鹽進食，魚肉嫩滑，
北海道帆立貝
刺身級帶子炸至半熟，軟嫩多汁。
海膽卷
紫蘇葉炸得超脆，上面放有北海道海膽刺身，海膽味濃郁超鮮甜。
和牛紫蘇🐮
天婦羅紫蘇和牛柳加上黑松露醬，牛味濃郁有肉感。
日本野菜5品🍆🧅
（蘆筍、赤茄子、洋蔥仔、蓮藕、粟子）
以日本時令蔬菜製作天婦羅，當中赤茄子水份超多超juicy；洋蔥仔清甜多汁；蓮藕口感爽脆；粟子香甜，香氣濃郁。
4. 和牛壽喜燒🇯🇵🐮
師傅會係食客面前以日本關西煮法烹煮壽喜燒。師傅先用牛肉脂肪開鑊，加入壽喜燒醬汁後鋪上兩大片日本A4和牛西冷並煮至5成熟。
和牛肉味濃郁，脂肪分布平均，肉質軟嫩，入口即化。壽喜燒醬汁清甜不膩，突顯和牛油香及肉味。
第一個食法係攪勻日本生雞蛋後，將煮熟和牛沾上蛋液進食。第二個食法係和牛西冷配水果番茄，鮮甜又解膩。
5. 飯/麵
可選擇「天婦羅炸蛋飯」、「天茶漬」或「櫻花蝦素冷麵」。
天婦羅炸蛋飯🔥🥚🍚
以雞蛋黃製作天婦羅炸蛋。炸蛋外面酥脆，內裡會有蛋汁流出，配白飯食一流。白飯選用日本新潟越息吹米，口感堅實好有嚼感。
櫻花蝦素冷麵🦐🍜
特別在於以天婦羅方式處理櫻花蝦，上枱已聞到超香炸櫻花蝦味。
6. 甜品🍨
今晚甜品款式有柚子雪芭或紅豆雪糕，如果唔食甜品可選擇水果🍐日本秋甘泉雪梨。
最後店員會為每位客人呈上熱焙茶☕️，有助消滯解膩，非常貼心。
總結🫦
Omakase天婦羅及壽喜燒用料上乘，款式豐富多元化。食客可以近距離觀察師傅製作每一道菜式，令用餐體驗提升。餐廳裝修行簡約高級路線，有吧枱或高私隱度房間提供。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
YOAKE 夜明け
地址：荔枝角長順街15號D2 Place二期3樓311舖
電話：5734 7800
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
