Sushi N

Open Now

Now Closed

環境5分：樓上壽司店裝修簡單但好新潮同光猛，畀五分。衛生5分：地方好乾淨同衛生，提供大量紙巾同濕紙巾，一樣畀五分。服務5分： 服務員落單快，夠爽手，不停加熱茶同介紹食物，非常專業同好招呼，服務滿分。味道5分：1)    前菜三品一次過上，果仁忌廉芝士好特別，布丁蛋好滑，帶子沙律非常開胃。2)    刺身共有七品，第一款真羽太上面放左桃佐啫喱好鮮甜。3)    甜蝦他他好西方食法，查落塊鱈魚乾上邊，份量剛剛好。4)    竹炭鹽帆立貝好肥美。5)    漬物Ｄ薑有料到辣辣地。6)    劍魚刺身包住蛋黃黎食口感豐富。7)    金目鯛輕輕燒過D魚油，好香。8)    深海池魚個黑松露味道非常突出。9)     刺身最後係鰤魚自己一隻碟上，地位超然，加左Ｄ薑絲同蔥花好吊出到個鮮味。10)  和食係金目鯛一夜干，煎到塊魚皮好靚，魚肉嫩滑，配埋啲酸汁一流。11)  壽司都有七件，赤貝新鮮爽甜。12)  梳子魚爽口。13)  鯖魚好有魚味。14)  銀雪魚好滑。15)  拖羅食落去好似肥豬肉，非常肥美。16)  海鰻燒過D魚皮特別香口。17)  海膽壽司非常多海膽，食落去非常多海膽肉，超大滿足。