炑

Open Now

Now Closed

最近都經常去開尖沙咀食嘢，今日我哋去咗H zentre, 位置上其實都幾方便，鄰近地鐵站出口，講緊係一出地鐵站就見到。今日食呢間呢間日式割烹餐廳叫做「炑」，我哋點咗$1,580嘅晚餐套餐，第一道係汁煮北海道水八爪魚，煮得好軟腍，好少喺日式餐廳食到，配上蘿蔔同紫蘇，味道非常鮮明。接著係茶碗蒸，食落口好軟身同埋好滑。刺身部分有蜜柑鯛同鰤魚，特別推薦蜜柑鯛，因為佢食嘅時候有淡淡嘅果香，聽師傅話係會用蜜柑俾啲鯛魚作食糧，所以喺味道上面會滲出蜜柑味道，真係幾特別。鰤魚就啖啖肉，其中一片半肥腩位做埋火炙，D油香真係不得了。燒物的北海道帆立貝經火炙後，好香口，搭配平豆同三文魚子，味道好正。接下來的北海道松葉蟹春卷，外皮酥脆，內餡充滿蟹肉和蟹膏，真係好滿足呀。壽司部分包括赤貝、深海池魚，漬中拖羅同埋北海道海膽，都好新鮮。佢哋嘅釜飯亦都用左和歌山馬友魚和拖羅魚油調味，馬友魚香口得黎加埋呢個咁豐富嘅撈飯，真係飽晒🤭最後，甜品是用蜜柑皮盛裝的果凍，清新可口。食物質素咁好，而位置又咁方便，我諗我都會經常返嚟回味吓😄尖沙咀中間道15號H Zentre UG樓1-3號舖港鐵尖沙咀/尖東站 L1 出口, 步行約1分