Video
Read full review
2018-06-17
560 views
餐廳係一幢service apartment既2樓，應該係岩岩新開，入到去係好和式日本典型佈置，有一間房仔同個壽司吧，位置唔多但好cosy，感覺好似私房菜。我地叫左個1280一位既set, 另外好似仲有個1580既可以揀。第一個菜式上左茶碗蒸，裡面有干瑤柱，菇，獅子狗等，蛋好滑又好濃味，暖暖個胃再食成個set。前菜係青瓜鰻魚開胃菜，鰻魚燒得好香脆，加左醬油同芝麻，甜甜地好香口。之後係原條平池魚刺身，比起平時比較常食到既深海池魚，平池魚肉身較腍，軟綿綿，另有一番味道。緊接就係一道燒過既深海池魚刺身，即時可以做個對比，深海池魚肉身較硬較彈牙，燒過之後個皮香脆好多。魷魚刺身睇落晶瑩剔透，食落好滑好甜，新鮮無衣。鰹魚就係平時用黎薰乾做木魚絲既魚，所以食落有平時食木魚絲既味道，肉身都幾腍，外皮燒過更加香。雞魚平時好少聽，食落有d似鯛魚，比較淡味，肉質彈牙。下一款壽司叫目仁奈，係春天先有既魚，魚質幼滑，上面加左甜麵豉，食落甘甘甜甜。另外再黎多款深海池魚壽司，肉質好彈牙，用醬油食咁用醋汁食有唔同既味道。下一味海膽魷魚壽司個海膽比魷魚更正，入口即溶，個海膽好甜，味道散發係口入面，同魷魚出奇咁夾。廣島生
我地叫左個1280一位既set, 另外好似仲有個1580既可以揀。
第一個菜式上左茶碗蒸，裡面有干瑤柱，菇，獅子狗等，蛋好滑又好濃味，暖暖個胃再食成個set。
前菜係青瓜鰻魚開胃菜，鰻魚燒得好香脆，加左醬油同芝麻，甜甜地好香口。
之後係原條平池魚刺身，比起平時比較常食到既深海池魚，平池魚肉身較腍，軟綿綿，另有一番味道。
緊接就係一道燒過既深海池魚刺身，即時可以做個對比，深海池魚肉身較硬較彈牙，燒過之後個皮香脆好多。
魷魚刺身睇落晶瑩剔透，食落好滑好甜，新鮮無衣。
鰹魚就係平時用黎薰乾做木魚絲既魚，所以食落有平時食木魚絲既味道，肉身都幾腍，外皮燒過更加香。
雞魚平時好少聽，食落有d似鯛魚，比較淡味，肉質彈牙。下一款壽司叫目仁奈，係春天先有既魚，魚質幼滑，上面加左甜麵豉，食落甘甘甜甜。
另外再黎多款深海池魚壽司，肉質好彈牙，用醬油食咁用醋汁食有唔同既味道。
下一味海膽魷魚壽司個海膽比魷魚更正，入口即溶，個海膽好甜，味道散發係口入面，同魷魚出奇咁夾。廣島生蠔就食得多，廣島蠔壽司真係少啲見，食落好新鮮好甜，清洗得好乾淨，啲豪殼都冇。
個紫菜好趣，三文魚子帶少少鹹香味，好新鮮，每一粒都脹卜卜。
馬糞海膽好有海水味，有啲苦澀味都冇，通特製嘅將有配上好合適，口感好柔軟，入口即溶。
葱吞拿魚腩圓筒形手卷好少見，細細條好容易食，吞拿魚腩甘香，紫菜好趣。
最後仲有個湯同埋雪糕做成個餐嘅收尾，最特別係佢隻櫻花匙羹，好少見好得意，睇落好精緻。
Post
